الا ياصباح الخير ياسيد الغزلان=

مع الصبح الاول لد بالعين واحياني

تحاشيتها لكن لفتني وانا ولهان=

على شوق دلووعن من العام ماجاني

خذتني وانا اخذها تناظر مثل شفقان=

على حالاتي واشفافها تقول وحداني

وانا وسط عيني كبر والثانيه عطشان=

ابي ارؤئ وابارد بيرها لين ترواني

وابي اقول يابنت الاوادم ترى ماهان=

خفوقي على كثر الجفا ماتناساني

بقى شامخن لوان غيرهـ من الهجران=

تحطم وقلبي ماتحطم ولاهاني

صغيرهـ وقلبك ماتوزن على الاوزان=

على ثقل عقلي ضاع مار الله انجاني

بغى يسمع ابيات القصايد مع الالحان=

الا مادخل جو الغرام ووصل عاني

هلا بالخفوق اللي تعنى وجاء ضميان=

يبي من قراح العشق يشرب على شاني

هلا بالعيون اللي تسولف عن الغدران=

الا من نزل في فيئها كل ضمياني

هلا بالظلام اللي تحدر على الامتان=

وبه من خيوط الشمس مايطرب اعياني

هلا بالعنود وذبت في وقفة الرمان=

تمنيت اذووقه وادري انه تمناني

هلا يابعد حــيـي عدد سيلة الوديان=

مكانك مكان اللي من العام ماجاني