يلومونـي هلِـي ياهمّـلالـي=
الا مايعرفون اش صاب حالـي
عـذابـي ياعنـايـا ياشقـايـا=
اذا شرق الهوى عاف الشمالـي
وانا والله غير الـروح مابْغـى=
ولو كلّ العذارى جـتْ قبالـي
عشقْته عشق فاق العشـق كلّـه=
وحتى قيس قـال انـه خيالـي
فديته عينـي وقلبـي وروحـي=
ومن لي واوّلي معْـه التّوالـي
وخيلي مـع جيوشـي والبقايـا=
وبحْري وجْبلـي ويّـا سهالـي
وحرفي لانزف باللـي بقلبـي=
ايلامني سطرْته لاجـل غالـي
ومُلْكي من سكنت بدنيـة ٍ لـي=
وبيتـي مـعْ عذيـات الدّلالـي
الا ياويـل قلبـي كـان فيهـا=
ملامه مـن عـذول ٍ مايبالـي
اخاف انّه يسجّل طنْخـة ٍ لـي=
من احيا نشْوتي رابـحْ وقالـي
(مقصّر في سؤالك وانت غالي)=
لِعِبْ بي وانتشى قرم العيالـي
تهيـض وانْهـذا سـدّه وسِـرّه=
وجاوب صدْق مضْمون السّؤالي
وباخْتمْها لعيـن اللـي سبتنـي=
هنوف البيض سيّدْت الجمالـي
اصيلة عرق من بيـن القبايـل=
نظيفة عرضْ نادرْت الكمالـي
فــلا والله ابدلْـهـا هـويّـه=
ولا اخْذلْهـا بقطْـع الاتصالـي
باضلّ أوْفي لهـا ليـن المنايـا=
تفرقنا جنـوب ٍ عـن شمالـي