قالت نسيت وقلت انا كيف ابنساك=
وشلون ابنسى دام روحي معاكـي
قالت صحيح وقلت قلبـي تمنـاك=
يام الحلا والزيـن قلبـي هواكـي
الزين انتي والحلا مـن حلايـاك=
كل العذارا غايـره مـن حلاكـي
بالزين يام الزيـن ماحـدٍ تحـداك=
بالزين وحدك والعـذارا وراكـي
سبحان منهو كونـك ثـم سـواك=
وسبحان منهو بالمحاسن عطاكـي
تعالي شوفي داخل القلـب مبنـاك=
امصممه تصميـم فـي مستواكـي
راحت ثلاث اسنين والقلب يهـواك=
ماذكر ان القلـب لحظـه نساكـي
عقبك نزل في داخل القلب دكـاك=
همٍ يدكه والسبـب مـن غلاكـي
وشـي حياتـي ياحياتـي بليـاك=
الهم عقبك والسهـر مـن بلاكـي
وش جاك بالصده وبالبعد وش جاك=
ماحدٍ عن جروح الحبايب نهاكـي
اما تعالي واكسبي شخص يهـواك=
ولا عسى درب السلامـه معاكـي