العذر يـادرب الـرداء للمواجيـب=
شبيـت نـارٍ مؤقـده فـي حشايـه
ابطيت من جفن السهـر للمراقيـب=
وازريت توصلني خطـوط النهايـه
اكبر مصيبه خدعة الذيـب للذيـب=
جرحٍ يزول وجرح يصبـح حكايـه
الكيد واحساس العتـب والمطاليـب=
واقوال بعض الساذجـه والوشايـه
اللـي مهمتهـم لشـذب العراقيـب=
يبطون عن شذبـي بسـر وخفايـه
وليا وصلت من الوزاء شقة الجيـب=
احتـاج وقفـه واستعيـد صدقايـه
اصحابي اللي بالرخاء كـلٍ يجيـب=
بشوف ويش فعولهـم فـي وزايـه
ان عودو للطيب من واقـع الطيـب=
والا انـا مالـي عليـهـم ولآيــه
الناس تجمعهـم علاقـه وأقاريـب=
ومناظر الاشخـاص ماهـي كفايـه
الفرق بالمنطق وحسـن الأساليـب=
والموقف اللـي يستحـق الدعايـه
لو ان هاليومين عفسـة اصاحيـب =
ماعـاد نفـرق طيبهـم والردايـه
الذيب ياهل الطيب مايقبـل العيـب =
والذيب يرمز لـه بحكـم الدهايـه
الرب واحد والبشـر بـه شواذيـب =
وماكـل خطلـه تستثيـر قبـلايـه
وقفه على وضح النقاء مابها ريـب =
لاصار لك في وقفة الطيـب غايـه
ولامن وصلت من الوزاء شقة الجيب =
احتـاج وقفـه واستعيـد صدقايـه
والعذر يادرب الخطـاء للمواجيـب=
ابقيت نـارك موقـده فـي حشايـه