ياهاجسي في حالتي طوّل الشـرح=
نسرد حكاوي من زمان الطفولـه
مليت اطاول وانتظر عالي الصرح=
وتعبت ادوّر في حلومـي بطولـه
وشلون مدري كيف يبرالنا جـرح=
وفينا عنودٍ مـن بعضنـا جفولـه
ياصدقنا ياكذبنا وش ورى الطرح=
نظرب ونجمـع ماجلبنـا عمولـه
صارت مجاهيم الردى بأول السرح=
وصارت مغاتير الوفاء ماتطولـه
اصدق تعابير الوفاء مابها مـرح=
وصار السكوت ابلغ من اللي نقوله
كم غيّرت آمالنا صـادق الفـرح=
وحنا على هالحـال نتبـع ميولـه
وياهاجسي في حالتي كرر الشرح=
ودي اعيد شوي وقـت الطفولـه