هي سنه راحت ومرت عقب روحتها شهور=
بعد هجر الهوى ومفارقـة كـأس المـرار
والله اني صبـور وأنـت مثلـي صبـور=
أيـه ياقلبـي اللـي عشـت جـو الدمـار
كم تحملـت جـور وكـم تناسيـت جـور=
من عنا اللي بنـاء لـه فـي زوايـاك دار
أطلـب الاجـر ياشريـان دمـي طهـور=
كـل قطـرة دمـى غذيـت فيهـا وقـار
وأنت ياخافقـي محشـوم ماجـاء قصـور=
شمت عنها وانا ما ارضى عليـك انكسـار
يوم حربك ضرؤس ويوم وضعـك دبـور=
مـوج يزمـي لفـوق ومـوج بالانحـدار
كـل ماطـاب جـرحً مسكنـه بالصـدور=
صوبت لـي سهامـه دون تأصـل قـرار
ماتمكـن ولا تقـدر تصيـب الجـسـور=
تبطـي آهابهـا لكـن بــلاي السـمـار
شفت يدهـا وزاد النبـض مـدري فتـور=
كيـف لـو بـآن مايخفـى وراء الستـار
أعشق الغنج وأعشق كـل صبـحً ونـور=
وأسـري الليـل لأن الليـل يمكـن يغـار
وأطلق شراع فكري فـي غميـق البحـور=
واتناسـى ولا أنسـى مترفـات المـهـار
حسبي الله على صدمـات بعـض الدهـور=
بعض الايام يحسـب لـه علـي أنتصـار
أحتزمـت وياقلبـي لاجـل عينـك يثـور=
فكري اللـي بيطفـي نـار ويشـب نـار
هيه ياللي علـي مبطـي حنـون وغيـور=
طـار عقلـك وقلبـك ماتحمـل وطــار
لو حضرتي ترى ماينحسب لـك حضـور=
المشاعـر تعيـش بلحظـة الاحتـضـار