حال بعض الناس ماهي مضبوطه=يوم رحل من بيت سابق الئ بيته
من التعب من فوق راسه وضع فوطه=وناس حوله سامعينن تناهيته
مغيرن لاسم الغرف ينطقه اوطه=كلمةً ببلادنا. تشبه الميته
وصار بين الناس نشدات وغلوطه=عن سبب لحظة رحيله وتوقيته
يمكن الاوضاع ماهي امزبوطه=ولحظةً ماجاز بالعمر تفويته
به تهور واندفع رافعاً صوطه=صادقاً ماهي مزوحاً وتنكيته
والغريب ومصدر الشك وشروطه=ويدخل الافكار لحظات تشتيته
بشارعه يوجد كراتين مقروطه=وقالو انه ست وانا ماعديته

الا انا مبسوط والنفس مبسوطه=احمد الله واشكره ياسميحاني
تو خيل افكارنا يبتدي شوطه=وزال همي واستوى نظم الالحاني
انظم ابيات باللالماس مخطوطه=وانسج حروفه بلولو ومرجاني
اكتب احلا الشعر واقلده نوطه=يانويت الشعر ماني ببلشاني
تحضر الافكار لوهي ورى الحوطه=لين تركن ثم تسجد على شاني
اصخر الابيات بحروف ونقوطه=واستميحك عذرعن شطرها الثاني
لوتركت الشطر الاخر ولاقوطه=جبتلك شطرٍ على شكله الثاني
جبتلك غيدى من الشعرشمحوطه=فارعٍ تزها القلايد والا رساني
عيطموسٍ بالجمل المسك ممشوطه=تذبح العشاق برموش الاعياني
ويوم اجمّع بالكراتين َ واضوطه=انقل ( ادلالي ) بها ياكحيلاني