هب الشمال وجابلي ريح الاطـلال=
*****وذكرني الاطلال معنـى البطولـه

اشعل فتيل السالفه بيـن الابطـال=
*****مجدن بقا من آخر كنـوز دولـه

ياحيف ياوقت المكـارم والافعـال=
*****ماكن شيٍ صـار وأنـدار حولـه

شانت نوايا الذيب ياطيـب الفـال=
*****من عقب ماهو مرتكـي للرجولـه

الوقت غير سيرته مثـل الاطفـال=
*****ينسى ولا يفهـم معانـي ميولـه

اهتز عرش الطيب ياراع الامثـال=
*****ضاعت مساعي رحلته من فضوله

هذا جنون الوقت ياكثـر الاهـوال=
*****في هالزمن كل المبـادي عجولـه

نرسم ونبني كلهـا آمـال بآمـال=
*****نضرب ونطرح بس مامن عمولـه

ياكثر لجتنا على صـدق الاقـوال=
*****بس الصحيح إنسير عكس المقوله

ضاعت مبادينا على كل الاحـوال=
*****وحنا ندوس الارض عرضه وطوله

ندري وندرك والخطا شـر مـازال=
*****فينا مقام رجـال وفينـا طفولـه

وصاح الشمال وجابلي كل الاطلال=
*****احرق فتيـل السالفـه والبطولـه