الموضوع: طفلتي كان ل مشاركتكِ رمضاني نكهة مميزه ( يومي الرمضاني )
عرض مشاركة واحدة
قديم 08-05-2012, 05:55 AM   #1
والسعاده؟ فيها من عيونك كثير

الصورة الرمزية ~ غ ــــيد ~
~ غ ــــيد ~ غير متصل

بيانات اضافيه [ + ]
 رقم العضوية : 9826
 تاريخ التسجيل :  Aug 2008
 أخر زيارة : 07-09-2020 (08:09 AM)
 المشاركات : 3,599 [ + ]
 التقييم :  4067
 الدولهـ
Saudi Arabia
 الجنس ~
Female
 SMS ~
في الجنة ما لا عين رأت،
ولا أذن سمعت،
ولا خطر على قلب بشر.
 اوسمتي
العطاء وسام دعوة للضحك وسام شكر وتقدير 
لوني المفضل : Blue

اوسمتي

Icon26 طفلتي كان ل مشاركتكِ رمضاني نكهة مميزه ( يومي الرمضاني )


صباحكم دعوات مستجابه

بسم الله
بداية راح أتكلم من س 12 قبل وقت السحور ،
كنا صاحين أنا وبنتي قبلها بساعه طبعا هالساعه كلها راحت ع بنتي مابين أكل وتغيير
بعدها جلست آكل باقي الفطور سمبوسة لحم + لقيمات + شوربه

وبعده بساعه تقهويت وجلست ع النت وطبعا الجلسه ماتخلو من القومه كل شوي ( صلاة الفجر ، رضاعه أو تغيير لبنتي ، هوشات وتفريق جموع الوغدان ، ألعب شويات حتى أنسيه البكى ... إلى آخره )
هذي لعبة التنسايه ( النسيان أقصد )


تستطيع أن ترى الصورة بحجمها الطبيعي بعد الضغط عليها


وأستمر ع النت لين س 6 وبعده قمت وطلعت دجاجه وحطيته بمي علشان تذوب وأقدر أسلقها و بحدود س 7 حطيت الدجاجه بقدر الضغط ب ( ليمون + مويه ) وبعده بنتي بكت معلنه وقت النومه أخذته ورحنا لغرفتنا ووصيت وحده من خواتي ع الدجاجه في حال ماقدرت أطلع من مراقبة بنتي > ماتمسك يديني علشان ماأسحب عليه خخخخخ كاشفتني

الموهيم نمنا ع س 7 ونص
وطبعا النومه ماتخلو من القومه علشان الرضعات
بالضبط ع س 2 ونص صحيت وصليت
وهذي سجادي وش رايكم به خخخخخخ > ترى بعيشكم الأجواء صح بس للأسف خربت آخرها وبتكتشفون تحت روح السماء وشلونك


تستطيع أن ترى الصورة بحجمها الطبيعي بعد الضغط عليها

>> علشان تتخيلون شكلي
وأنا لابسته

وبعده بديت بشغلة العرايس رغم انه صاروا معي مطلقات خخخ الموهيم سويت صلصة البيتزا قلت إذا أمداني سويت بيتزا > ماأمداني ترى
بنص الشغل رحت صليت العصر ورجعت وغسلت مواعين حوستي وعلى س 5 رجعت بنتي نامت واستغليت نومته وقشيت الفوضى اللي بالصاله وبعده رجعت أسوي جلي وأضبط أغراض الفطور الأول ( طبعا فطورنا شوطين وفيه شوط إضافي أول وثاني
الأول
تمر + قشطه + مي + عصاير طبيعيه + قهوه + حلي أو معمول أو شوكلت وفيه هنا ع السفره كيكه بس بسبة عوامل التعريه صارت مفروكه


تستطيع أن ترى الصورة بحجمها الطبيعي بعد الضغط عليها



وهذا فنجالي وشوكلاتتي > أفطرت مويه بعده أتقهوى> راجعه حساسيه التمر علشان هيك أفطر مويه وعصاير


تستطيع أن ترى الصورة بحجمها الطبيعي بعد الضغط عليها


الثاني
شوربه + جلي + مهلبيه + لقيمات + سمبوسه لحم + عرايس دجاج + عصاير ( فيمتو + تانج )
اممممم جيت للسفره لقيتهم بادين فطور فماقدرت أصور فصورت لكم فطوري بس

تستطيع أن ترى الصورة بحجمها الطبيعي بعد الضغط عليها

> روح وقسم جيتهم بادين خخخخخخخخ خايفه
بس شوفوا ولمعرفتي الأكيده بأننا شعب نحب النظر إلا الصور جبتلكم صور فطور قبل سنتين تقريبا طبعا كلو كان شغلي > أيام الشقى
> لاني وربي قصرت ب صورة الفطور بس اعذروني كنت أحوس مع بنتي > فتخيلوا انه هذا فطورنا بس بمواعين بلاستيكه واحذفوا اللي ماكتبته ضمن الأصناف ( العجوز مقلطه الفطور )



تستطيع أن ترى الصورة بحجمها الطبيعي بعد الضغط عليها




بعده الفطور سبحت بنتي بعد حرب داحس والغبراء
وبعده ب ساعتين نمنا وصحينا س 12 وبحدود 1ونص بدى
الشوط الأول رغم انه بالعاده ع س 11 أو 12 يبدى بس تأخرنا بالقعده وأهل السوق دخلوا بغريضاتهم
وكانت هذي حوسة الألعاب الجديده


تستطيع أن ترى الصورة بحجمها الطبيعي بعد الضغط عليها

( بنتي + بنت اختي وألعابهن )

> ترى الخلاط يفتر نفس الخلاط العادي بس بالموت حصلت حجر وبعده عجزت أصور



الموهيم يشمل (بقايا الفطور 1 مع قهوه
الشوط الثاني ع س 3
كبسه بس أنا من بعد س 12 إلين صلاة الفجر
أركز ع الشاي والمي



بالعاده أخصص وقت قراية قرآن ع س 6 أو بعد الفطور 2 بس بنتي حاست فرشه الصاله واضطريت أنظف نفسي مره ماتحوس أبطي مو



ملاحظات
** كنت فاتحه مذكرة الجوال أكتب أول بأول و جوالي قد ماأقدر انه مايفارقني علشان ألتقط كل أبو شيء علشان أعيشكم أجوائي بس للأسف أفلست من الصوره المطلوبه
وبعد علشان أنزله بدري بس قدر الله أنزله بهالوقت
** العجوز التي تم ذكرها أثناء السرد ( أختي اللي أكبر مني ب كذا سنه ) ع قولته أكره مواعين القزاز
سامحوني ع التقصير



ودعواتكم ل شام الحبيبه بالنصر القريب



.


الحمد لله عدد ماكان وعدد مايكون وعدد الحركات والسكون


 
توقيع : ~ غ ــــيد ~

جعلنيَ مَا اندم..على شَي تِركتهَ
والله يجعلهاا مَع اﻻيـام خيرهَ
وجعلنيَ ﻻتِبت عن شي وخسرتهَ
يرزق الله /خاطريَ فَي شَي غيره

رد مع اقتباس