انا تهت في دنياي.. في عرضها والطول=
رسى مركبي في شاطي الهـم والحيـره
طموحي كبير ولامعي باليديـن احلـول=
مع الواقـع اللـي عاكستنـي مقاديـره
متاهـات قدامـي.. ومستقبـلٍ مجهـول=
اهوجـس وقلـة حيلتـي يالله الخيـره
وحظٍ بلانـي بالفشل..واعتـلا المعقـول=
واماني تموت .. ورمز ياصعب تفسيـره
ودمعة حزن تنزل على حبـي المقتـول=
بسيف الزمـان اللـي تسبـب بتدميـره
ولا زلت اعاند واقعي .. واعتزي.. واقول=
لنا الوقت يصفي لـو تطـول مشاويـره
بسيف العزيمه .. والعزيمه لها مفعـول=
ليا ساعـف الله يسـر امـري بتيسيـره
ورزق الفتى عند الولي بالسماء مكفـول=
وانا في رجاء الرحمن..ولا ارتجي غيره