مثلي يا ابو ثامر على الدرب مـرار=
دامك طلبـت العلـم دوك الشهـادة
صيد البحر يجلب على النفس الأمرار=
خص(ن) ليا صارت على الشط غادة
ريم(ن)تقود الصيد من دار سنجـار=
واللعـب بقلـوب المحبيـن عــادة
والعلم لو تدري صغيـرات وكبـار=
والحر مثلي لا نوى الصيـد صـادة
مير ان قلبي واسرة وسـر وهجـار=
ومودعه ظبـي(ن) زهـا بالقـلادة
حبه عـلا بالقلـب والحـب جبـار=
ظبي(ن) ليا شفته اشـوف السعـادة
والطير له عنـدي حشيمـة ومقـدار=
قدره رفيـع وصاطـي الحـب زادة
يالله طلبتك هالسنـة سيـل وامطـار=
لين الحفيـر يصيـر خـدة وسـادة
وتربع الدنيـا عقـب عـج وغبـار=
ويزيـن خـد خـابـرة بالحـمـادة
تلقى الزبيدي فيه والخـرب معبـار=
نوب هريب ونـوب جنـب الكتـادة