مـــدخــل ..؛
انتِ اصلاً بينهم ماتشبهين
غير نور الشمس أو نور القمر
لك عيوون الله يعين الناظرين
كل نظره منها شبّت جمر
وَ لك خطاوي وَ قبل حتى لــ تخطين
لجلها اللا .. ممر يصبح ممر
وَ كل قاسي عود قدامك يلين
مايطوّل .. لو يطوّل يندمر ..!

مــخـــرج ..؛
وَ لا تعرفين الخمور وَ تسكرين
تبلعين بَ ريقك وَ ريقك خمر
وَ من يسولف لك وَ انتِ تستحين
ضيّع الموضوع وَ خدودك حُمر
يّ غرام حروف شعري من تجين
انهمر .. مثل المطر من ينهمر
لا بديتي .. طالبك لا تنتهين
انتِ اكثر شي ودّي يستمر ..!