1 من يسد بغيبتـك ياهـي مريـره=
ان تفقـدت الزوايـا مالقيـتـك
2 ما خبر نفسي تعاتبنـي كسيـره=
لين في ليلي تعنيّـت وسريتـك
3 صرت انام الحزن وعيوني سهيره=
رغم هـذا بالمتاهـات احتريتـك
4 موحشه دنياي واحلامـي فقيـره=
والله اني في غيابـك مانسيتـك
5 كل لحظه تفتح الاوهـام سيـره=
في خيالي شلت خفاقـي وجيتـك
6 انتهت دنيـاي وايامـي قصيـره=
ليه ماتسمع حنينـي لا دعيتـك
7 مندفع قبل الامل يلقـى مصيـره=
بعت عمري للمواجع واشتريتـك
8 ان بكيت اقـول ياعينـي كبيـره=
وان ذكرتك قلت ياكلـي فديتـك
9 والغلا مجنـون وذنوبـه كثيـره=
احتواني موطنه ليـن احتويتـك
10 ليش اعبر والعنـا عبّـر اثيـره=
تتعب الابيـات وانـا ماحكيتـك
11 لكـن الايـام ماتخلـف مسيـره=
كم طريقٍ ضلني ليـن اهتديتـك
12 والنهايه موجعـه مـره مريـره=
والحقيقه ضقت لكـن مابكيتـك