النفس مثـل الطفـل تحتـاج دورات=
دورات فـي درس الليالـي والايـام
خلـك عـدو اللـي تريـد الملـذات=
تطلبـك مالاتستطيـعـه بـالاحـلام
اكبح غروره واكبح الـذات بالـذات=
واحكم على رآدآت نفسـك بالاعـدام
ومن طاوع النفس اللحوحه بشهـوات=
يصبح حسير وضايق البـال منظـام
صحيح في وقت الملـذات طربـات=
ومن بعدهـا تبكـي وتنـدم وتنـلام
وياسرع لحظات الفـرح والوناسـات=
ماتنتهـي مثـل نهايـات الافــلام
ومنهو عصى نفسه على مر الاوقـات=
سعيد حظ وسالـك(ن)درب الاسـلام
ماقادتـه نفسـه لـدرب المتـاهـات=
خط النصيب الزين في روس الاقـلام
النفـس تطلـب والملـذات مشهـات=
والكيـف طـاع النفـس قـدام قـدام
ياحسرتي في وقـت كـل القنـاوات=
وقت الشتـات اللـي تبنـاه الاعـلام
نفسـي تراودنـي بتحقيـق غايـات=
واستسلم التفكير من جيـش الاوهـام
ذابـت عزايمنـا وزادن الآهــات=
وازدادت دمــوع البـنـادم والآلآم
فـي وقتنـا هـذ دمـوع واهانـات=
وفي وقت عمرو وزيد طير السعد حام