الشعب لجل عيون غاليـه سهـران=
مايهتني بالنوم مـن شـان غاليـه
حزنه كبير وهمه اشكـال والـوان=
لجل المليـك اللـي نحبـه ونغليـه
اللي غلاه بداخـل القلـب سكّـان=
الشامـخ اللـي كلنـا نفتخـر فيـه
انسان لكـن ماهـو ايـات انسـان=
اللي جميع الشعب بالـروح يفديـه
ابن الملوك اللي له الخيـر عنـوان=
زعيمنـا ياجعـل ربـي يخلـيـه
جعل المرض مايقربه طول الازمان=
وجعل الولي لامن قسى الوقت يحميه
عبدالله اللي تفتخر فيـه الاوطـان=
عون الضعيف اللي همومه تباريـه
ابو اليتامى اللي على الطيب شفقان=
مزبان مـن عيـا زمانـه يسليـه
وانا احمداللـي للمخاليـق سلطـان=
الواحـد اللـي كلنـا دوم نرجيـه
انه شفـى مليكنـا طيـر حـوران=
عبدالله اللي بـرج الامجـاد بانيـه
ويالله ياللي خالق الانـس والجـان=
ان البـلاوي دايـم الـدوم تخطيـه
ياحـي ياقيـوم ياعالـي الـشـان=
تمد في عمره عمر ليـن ترضيـه
وترده لشعب(ن)من الشوق ظميـان =
حتى الديار مـن اشتياقـه تناديـه
شعب(ن)بحبه صار بالحيل هيمـان =
والدارلامن غاب لـو يـوم تبكيـه