منتديات بعد حيي - عرض مشاركة واحدة - ببيت شعر سجل حالتك النفسيه ,,,,,,,,,,,,,,,, الجزء الثاني

اوسمتي · 03-05-2014, 11:34 AM

لا تسأليني شفيك مدري شفيني
................................... ضايق وأسولف للسما وأنزف أنفاس
ما كنّي اللي كنت أسابق سنيني
................................... عشان أكون بعيني أطيب من الناس

أحيان أبيني شخص عيّا يبيني
................................... أصدق من إنه يعتذر لي بلاباس
وأحيان أجيني وأنتظر من يجيني
................................... حتى لو إنه حاطب ضلوعي بفاس
صرت ألتفت لا جات عيني بعيني
................................... صرت أنتفض لا مرّني طاري الياس
حتى الكلام اللي يعرّق يديني
................................... صار يتمنّنّ في الليالي وأنا حاس
إنّه كفر بي قبل اكفّره فيني
................................... وأنا أعتبرته جلد وأيامي لباس
ودّي لو اصحى يوم فاقد حنيني
................................... وما عاد فيني للمدى ذرة إحساس
يمكنّي أقدر وقتها أحتويني
................................... أقلّها ما أنصدم بـ اقرب الناس !