الفوت لامن فـات ماينفـع الصـوت=
-----والصبر مفتاح الفرج خيـر مقيـاس

خلك رزين وبدل الصـوت بسكـوت=
-----لاصار ماترقب علـى كـل مـرواس

علم الحيا والطيـب تلقالـه اثبـوت=
-----يلفح عبيـره كـل ماهـب نسنـاس

العمر دين ولاتحسف علـى الفـوت=
-----مافات راح وكل شيٍ علـى سـاس

أن جاد حظك بالكرم وانت مبخـوت=
-----وياعاضبت دنياك لاتخضـع الـراس

لاترجي اللقمه بعـد لقمـة الحـوت=
-----أحفظ علو الراس من وقعة الفـاس

تنـوّع الأسبـاب والخاتمـه مـوت=
-----بس الوكاد الموت في موت الأحساس

لاكفنـت دنيـاك حظـك بتـابـوت=
-----ماعاد تسوى دنيتـك جـر الانفـاس

ابعد مجالك عن هوى كـل سربـوت=
-----نقال هرج وماكسب غيـر الافـلاس

تلقا مجاله بيـن الاجـواد مبهـوت=
-----ماحاش في عمره معـزه ونومـاس

من يحترم قوت العرب ياجد القـوت=
-----ومن لحترم باس العرب يفقد البـاس

حبل التواصل بين الانـذال مبتـوت=
-----مثل التخاذل بيـن حاسـد وهـلاس

والشاعر اللي جاب له عدت بيـوت=
-----قله يخـاف الله ولايعـذرب النـاس

شوف التشابه بين صنعاء وبيـروت=
-----مثل التجانس بيـن جـده ومكنـاس

والحلم لامن صـاب والا طلـع أوت =
-----لاتعلق افكارك علـى كـل هوجـاس

خل العتب ببحور الأخـلاق مزتـوت =
-----اكتم همومك واخفها عن مدى الياس

والصوت ماينفعـك لافاتـك الفـوت=
-----مافات راح وكل شيٍ علـى سـاس