انا أحسب حب أهل الدواسر لعب ومزاح = واثاريه يابن الشيخ ينهج بالعظامي
أثاريه حبن لا لفى القلب ماينزاح = او يبقى مع الايام وطوال الاعوامي
الا ياوجودي وجد عودن شبابه راح= غدا شوفه اوممشاه خلنه الاقدامي
على من رمن قلبي عشيه بليا سلاح= رمنه بسود العين ثم طاحي ماقامي
وأنا افز فزة طير له لوحوا ملواح= وانا فر فرة بزر لعباه قدامي
اهل العباري لاطروا واحذف المسباح =وحس الحشاء يبرا كما بري الاقلامي
دخيل الذي زينك يابوثمان أملاح= اوخلاك فوق الزين بالروح تنسامي
او بالي جمع للورد بالعطر والتفاح = وصبه على خدين شروا ورق شامي
على من يودك روف قبل العمر ينزاح =رجيتك من الدنيا نصيبي بالقسامي
الا شفود عمري كان ماصرت لي ياصاح = لافوز بالدنيا ولامحسن اسلامي