هذي القصة ياجماعة محزنة شوي ما عليه
صايره مثل مسلسلات رمضان لازم آخره نكد و بكي و هم
عاد وش نسوي قلنا نختمها بغم اللهم ياكافي إكفينا الهم و الغم و لا تحرق قلوبنا على أحد ، عاد قولوا آمين
ها مادام قلتوها يالله عاد بقول القصة
هذي قصة واحدة بنتها متزوجة و ساكنة في ديرة ثانية بعيدة عن ديرة الأم و الأم ساكنة في قرية صغيرة من القرى ، قررت الأم إنها تزور بنتها اللي ما شافتها لها زمن طويل
وطبعا عشان تزورها لازم تسافر لها بالطيارة
المهم إن الأم وصت عيالها و حجزوا لها مع ولدها عشان تروح للبنت
قامت من الصبح و لبست فستانها الجديد من الدولاب و هي في السيارة تحس إن في الفستان شي مهي عارفة و شنهو
المهم إنها في طريقها للمطار قالت أنا لا رحت للمطار بدخل الحمام بدخل و أشوف وش هاللي يدبي في ثوبي
شكت الأم إن في ثوبها صرصور
طبعا هذا هو الإحتمال الكبير لمن يفكر في هالمسألة
للأسف عند وصولهم المطار و كالعادة دايم العرب يتأخرون عن الطيارة ما صدقوا على الله إنهم يركبون للطيارة .
الحرمة وهي قاعدة تحس إن في ظهرها شي يدبي ،
قالت أكيد إني واهمة ، آنا حرانة و أكيد هذا العرق يطلع مني و تعوذت من الشيطان و جلست ،
استغرقت الرحلة ساعتين و نصف إلين وصلت لديرة البنت
و طبعا الكل استقبلها في حفاوة وكل شي ، الأم ما صدقت على الله إنها توصل لبيت البنت عشان تشوف و ش هاللي يدبي في ظهرها
قالت للبنت يايمه أنا من طلعت من الديرة و أنا أحس إن فيه شي يدبي في ظهري الله يرضى عنك شوفيه و شنهو هقوتي إنه صرصور
دخلت البنت يدها داخل ظهر الأم و إذا بشيء يقرصها
فأخرجت يدها بسرعة و قالت للأم يمه إنزعي ثوبك أنا مدري و شنهو هذا و على ما نزعت الأم ثوبها إلا البنت تسقط على الأرض ميته
وش السالفة ، جيبوا الإسعاف ، نزعت الأم ثوبها ووجدت في ظهرها حية صغيرة لابدة
وشوفوا شلون ربي جعل الأم سبب في موت بنتها من غير ما تقصد
سبحان الله
سبحان الله و بحمده سبحان الله العظيم
يا جماعة هذه القرصة اللي خذتها البنت أكيد إنها قرصت قلوبكم من الخوف من الله عز وجل فها من متعظ
الله يستر علينا
و الله يحسن من خاتمتنا
أكثروا من الدعاء و الاستغفار و الأعمال الطيبة التي تقرب لله عز و جل
ما يندرى كانها في يوم من الأيام تجينا هذي القرصة على غفله
اللهم لا تجعلنا من الغافلين
اللهم آمين
و سلامتكم
تحياتى لكم
سهر
لا اله الا الله شوفوا القدر كيف رحلها من اخر الدنيا
يالله حسن الخاتمة
مشكوره سهوره ذكرتينا بأن القدر حق ولا مفر منه
اشكرك على المشاركة الحلوة
تقبلي تحياتي
مجنون الغائبه دوما
يدبي = من الدبيب وهي الحركه يال ساري
ههههههههههههههههههههههههههههههههههه
ههههههههههههههههههههههههههههههههههه
واللي قرصتها يمكن كوبرا صغيره على شان البنت طاحت ميته على طول الله يكفينا الشر
هلا وغلا اختي الغاليه سهر منوره المنتدى يابعد حيي
مشاركه جميله الله يرحمنا برحمته تسلمين ولا قصرتي
وعساك على القوه يارب وتسلم يمينك
سبحان الله
سبحان الله و بحمده سبحان الله العظيم
الله يستر علينا
و الله يحسن من خاتمتنا
اللهم لا تجعلنا من الغافلين
تقبلي فائق الاحترام والتقدير
اخوك
نزف المشاعر
العضو الأكثر نشاطاً هذا اليوم 
العرض المتطور
