السلام عليكم ورحمة الله وبركاته
انقل اليكم هذه القصه الواقعيه التي حدثت مع
الشاعر :سالم سيار العنزي
اليكم القصه والقصيده:-
أم مرتميه بجوار الرصيف تتوسد احذيتها وفي يدها الدواء..وكانت ليلة
بارده فسألها شاعرنا هل تحتاجين للمساعده فقلت نعم اريدك ان تأخذني
الى دار العجزه (وهو دار للمسنين اللذين ليس لهم احد يرعاهم)..فقال لها
لماذا....فقالت لقد طردني ولدي الوحيد بعد ان زوَجته ..اوصلها
شاعرنا وقلبه مفطور لما رآه و سمعه من هذه العجوز
فهاضت قريحته بهذه الابيات يرويها على لسان هذه الام المفجوعه:
مو معقوله تجي منك وترميني لأي إنسان
يلملمني ولا يلقى بعيوني غير دمعاتي
أنا ماصدق إنك انت تنهيني من الوجدان
وترميني وأنا أشوف القبر نادى مسافاتي
وكسرني الشتاء ياوليد وانت بداخلي دفيان
تحملت الأسى والهم عشانك يابعد ذاتي
وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي
أنا أمك ياهيــــــــــــــــــه أمك حملتك والعذاب ألوان
ولدتك والألم سكين يركز داخل لهاتي
وأنا أثناء الوالده من بكى صوتك طعنت أحزان
لأني شفتك بصوتك تنادي كل طموحاتي
ومهدتك في عين وعين يشرب حزنها القران
وهزيتك وكان النور يتهزهز من دعاتي
أضمك في يديني لا تجي وتقول أنا بردان
تركت البرد لضلوعي رح اسأل رعشة شفاتي
وزولك من ركض فيني لمست بداخلي أوطان
وتركتك تبني بمجدك على كتاف انكساراتي
وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي
كبرت وصرت بعيوني شجاعن وأشهم الفرسان
وحلفت إني على عرسك لارقص كل شيباتي
أسولف للبشر عنك أقول ولا به أي نقصان
رضع عز الشهامه شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خان أقول وليدي لا ماخان
وهم يدرون ماغطى منامي غير وناتي
افااااااااااا وشلون تتركني يكحلني عمى النسيان
وانت ادري فيوم الحشر جنه تحت خطواتي
لك الله مانطق صوتي لك إلا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للأسف تندان
ويرمونك مثل أمك وتذكر حلم شيباتي
منقول