[table1="width:95%;background-color:white;"]
غريب أبن معيقل الشلاقي أحد رجال شمر الشجعان وأحد أبرز رجالات الشلقان في عصره
كان عقيد حرب وشاعر وفارس مغوار
لايهاب الموت وسوف نبتدى بأول قصه له
وبأختصار وهي ابرزها وهو كون رم العروف بين شمر والحويطات ورم تقع الان
بالاردن وكانت نهاية الحرب هي المنع
وقد اصيب بالمعركه أحد الربطان وخواله الشلقان ولما سمع غريب من أحد ربعه
الامتهان وانه قد أتعب حاله وربعه من غير فائده تذكر
قال هذه القصيده التي توضح الموضوع بالكامل وبالمناسبه
هذه الحادثه التي يستنكر الرجل بها على غريب الشلاقي
هي سبب شهرة ربعه بالخوه الطيبه وانهم لايتركون رفيقهم وسبحان الله | [/table1]
انا حمدت الله على كـل مـا كـان=احمـد ربـي كـل صبـح وليلـه
ياعبكي اركب وارتحل فوق مقـران=يجوز لمنـدوب النشامـى زميلـه
يامسندي من ديره التنـف ومعـان=الظهر في حروه شـروره مقيلـه
تلفي لبيت يجمع الصبـح ديـوان=والعصر هيضات النشامـى تجيلـه
ياتيك من ينشد عن العلم شفقـان=قل مزنن تهلـل فـوق رم نخيلـه
محذى مطرهـم بـس دم ودخـان=ولاينثنايـا يركـب القـور سيلـه
صكوا علينا التيه مع كل الاركـان=وعفنا تحضي كل شقحـا ضليلـه
وكواهن الكاوي قليـلات الاذبـان=وغداً بنا مثل اصطفـاق الجميلـه
وغدا بتاليهن تقل ضـرب سـدان=واللي دنـا يومـه تقلـط رحيلـه
وصار الفشق من بيننا تقل دخـان=ومن طاح منا طاح منهـم بديلـه
ومنا ومنهم يشبع الذيب سرحـان=والضبعه العرجـا تصيـف مكيلـه
وكثر النخا لفـلان وفـلان وفـلان=وتطابقـوا حمايـهـن بالدبيـلـه
وربعي دعيجات على الحرب عيان=وكم طفله ربعـي تعشـوا حليلـه
ياعيال هوشوا دون شياب الامتـان=ترو الفرج من دون اهلكم طويلـه
وخطوا الولد ينضخ وللهرج بثمان=هبيـت ياهـرج سـراب حصيلـه
التدبـره لله ماهـو قـول كذبـان=سبحان من يامـر بعدلـه وميلـه
ياعيال هذا اللي على الدرب مشان=ولاينفلـت مـن دون الالاه حيلـه
ولاينشمت ياعيال بأمر اليـا كـان=ولايهتـدي عبـد حـذا الله دليلـه
ما افطن لبيت عبيد كان انت غويان=وابن مهلهـل يالقلـوب الهبيلـه
[table1="width:95%;background-color:white;"]
وبأختصار معاني بعض ماورد بالقصيده:-
الدعيجات:-
الشلقان اولاد دعيج وهي منخاتهم القديمه.
أفطن لبيت عبيد:-
يقول عبيد الرشيد
| [/table1]
أطرب على الكايد الياصرت بحلان=وعند الولي وصل الرشا وانقطاعه
[table1="width:95%;background-color:white;"]
وابن مهلهل:-
هو محمد ابن مهلهل الشعلان من شيوخ الروله ويقول
| [/table1]
لوعندنا من غيب الايام رسه=الادمي مصلوح نفسه يدلـه
[table1="width:95%;background-color:white;"]
وتلك الابيات رد على من شمت بغريب
واراد ان يبين غريب ان كل هالامور بأرادت الله وليس للادمي اي يد بها
وبعد تلك الحرب بسنين كانت صيحات الاخوان قريبه
وافعالهم ليست من افعال الرجال حيث انهم لايقدرون الكبير
ولايحشمون أحد وانهم هم الموحدين والعابدين
والمؤمنين والغير كافر في جهنم وبئس المستقر كانت هذه رؤيتهم
للغير وهذا من جهلهم بالدين وبسلوم العرب والرجال الاشاوس
وكانت الطامه الكبرى على غريب حيث ان بعض ربعه
انضموا لهذا التيار الجارف وقد تطاولوا
وقطعوا سلوم العرب بأذائهم للقريب وقتلهم الكبير وتكفيرهم للمسلمين ومن هذه
الحادثه نزح غريب واهله الى الجزيره ونزل
على عقله كان يوجد عليها عنزه بقياده مرضي الرفدي وحمود ابن رميزان
من العبيد وحمود رحل مكرم وغني جداً
ومشهور لدى اهل الجزيره ويسمى بأبو شقنتين ومعناها ان عمود بيته فيه
شقنتين وكل شقنه تعلق بها ذبيحه كل ليله
وقد تصافوا على نقاء ومرجله وكل ليله يسهرون عند احدهم وفي احد
المرات شاهد غريب زول رجل يقترب من بيته
وسماته نجديه فشب النار وصلح المعاميل ولما لفاء الرجل عرفه وكان
اللحيد وهو من المرامشه اهل موقق فغداه وقهواه
وبعد ذلك قال غريب ها ياللحيد وش جايبك من ديره المسلمين
الى ديره المشركين وهو بذلك يستهزي فقال
اللحيد ياغريب والله ماهي ديره مسلمين الضيف يضرب والناس استحلت دم
بعضها البعض من قدر على رفيقه قتله بأسم الاسلام
وهربت بنفسي خوفا" عليها فسأله غريب على بعض من يعرف بنجد
من سنجاره فقال الرفافه ضربوا الطريق وانا ناوي الجزيره
فسلم عليه وذهب اللحيد وجلس غريب يستذكر الماضي
ويتمناه ولكن محال ان يعود الا ان
يأذن الله وفي أحدى جلساته من أخوياه الرفدي وابن رميزان شاهد احد الصلب وهو
يشحذ من الحريم المعونه والاكل فعرفه
غريب وكان مريف احد صلب سنجاره أهل نجد فقال غريب جاي يأخوا طليحه
تعال للرجال وش تبي بالحريم فستغرب الصلبي
من يعرفني وانا في العراق فألتفت بوجهه فعرف غريب وطاح من شده
الفرح وأخذ يبكي فلما سكت قال غريب
هاه يأخو طليحه وش جابك من عند المحرم انا خابرك تنصى الرجال وتأخذ
حاجتك منهم وهو بذلك يريد ان ينومسه ويرفع رأسه
عند الرجال فرد الصلبي وقال يأخو وضحي جيت يم ناس مايعرفون
أخوطليحه وانحر الحريم بنت الحموله
تطلع علي وتعطيني وبنت العفن تصك البيت من دوني فقال غريب وش جابك
من اللي كافينك لقمتك ولبستك انت وعيالك
ويقصد شمر نجد فقال الصلبي جابتن الذله على روحي وعيالي من الاخوان
فنادى غريب على الحريم وامرهن بملى
خروج الصلبي بالطعام والكسوه وبعد هذه الحادثتين من اللحيد ومن الصلبي
قال غريب
| [/table1]
يالله طلبتـك ياوسيـع المحاريـف=فتاح بيبـان الضعـوف المواحيـل
يالله ياللـي تعـز وتـذل وتخيـف=ياحامي اطراف الحرم من هل الفيل
تفكنـا مـن موقفـات الصواديـف=ومن شر نبـذات الليـال المقابيـل
ويادك بي من واهس القلب تكليـف=سيـرت يـم مبهريـن الفناجيـل
من بيت ابو راكان ريف المناكيـف=اليا بيت ابو ساجر ملـم التحاويـل
مجالس يطرب لها راعـي الكيـف=ونزله بزينيـن القبـل والتعاليـل
بلن قلبي لاغسن غـش ومخيـف=ياشفت زومات السلـف والنزازيـل
يطري علي ربعا" بهم ندرة الحيـف=ياركبت الرشاه الرجـال المحاحيـل
بسباب برجس هو ومياح ياحيـف=ضاع الجهام ومرديت كنس الحيـل
اللي بهم نرعى الخطر والمخاويـف=سوا" بهم سمـر الليالـي بهاذيـل
وشتاتهم من نجد الياسند السيـف=ولاينشمت بمور منشـي المخاييـل
ما ياراكب اللي كنهن بالتواصيـف=بسحاب ربدا" طالعا" شوف ازاوييل
يشدا" شواحيف نحاهن عواصيـف=الموت حاديهن وهن ارتكـن حيـل
يعبن لتقطيـع الديـار المياهيـف=رملـن ولاذاقن لهيـج المخالـيـل
وتنحروا يمت سهيـل اليـا شيـف=ومنا تروكـم يالنشامـى مراسيـل
وياعلكم بجاه من يقـري الضيـف=تلفون مـا مـرا" عليكـم غرابيـل
ياجيتوا عقرب والرعون المشاريف=تزفرقـوا قطعانـهـم بالدرابـيـل
واليا لفيتـوا للربـاع المشانيـف=قولوا لبو علوش ريـف المراميـل
قل ياحيف ياغضبان ياحيف ياحيف=تنسون مروين الغلب والشناشيـل
ياخـو دليـل مابنجـد تحاسيـف=يمر بهـا قـواد غلـب الفواصيـل
هل الفعول الصدق والحكم بالسيف=اليا سربه شحص المهار المشاويل
اللي بنجد ذللـوا شـذره السيـف=راحوا شتات للسيـوف المساميـل
وياخوا دليل ما بنجـد مصاريـف=باقـت بنطـاح الوجيـه المقابيـل
وشامه لبن مقرن بعيد المناطيـف=لسربه هل العوجا تـذج الهلاهيـل
شوم عن ديار عافها الحيد ومريف=والرزق عند اللي يجيب الهماليـل
دار بها الحقران يضربها الضيـف=ماتنسكن دار الخـزى والتخاجيـل
وتر بعدك اطيب عن عفون الدناديف=دوارت الجنـه بذبـح الرجاجـيـل
واعرف فليج انه بنقـره ذغيغيـف=علمه مع اللي يفرق الصبح والليـل
هو حصنيا" يبـي يعنـف تعانيـف=او طيرتن تطنب بروس الغراميـل
حلفك يجوز لعايزيـن التواصيـف=فهود الزراج اللي تخيل المخاييـل
وتزاعجوا عنها بعـاد المساليـف=وزاحت هل النوها بعـد المراحيـل
لديار شمر نقري الجـار والضيـف=وعسى بخيرات المكاريـه تسفيـل
بين الضياغم والسيافا هل السيـف=واولاد مسعـود بعـاد المصاويـل
وربعي هل الجدعا ليا صدرا" عيف=لهـم بروجـات السبايـا تنافيـل
وعيال الفديغي فوق قب مزاغيـف=خيالـت الادراك ماهـم تـزاويـل
ومع سربه العصلان عند التحاريف=يروون عطشان الحـراب المغاليـل
وغلبا بكضات الحرايـب مواليـف=يتلون من عقب المحـزم مشاكيـل
بالله ثـم بسبابهـم ديـرة الريـف=نرعاه لو دونه أراضي هل السيـل
[table1="width:95%;background-color:white;"]
بعض المعاني :-
ابو راكان:-
حمود الرميزان العبيد.
ابو ساجر :-
مرضي الرفدي.
برجس:-
هو برجس ابن عردان.
مياح :-
هو مياح الشلاقي.
أخودليل:-
غضبان ابن رمال.
عقب المحزم مشاكيل:-
الجربان.
| [/table1]
[table1="width:95%;background-color:white;"]
وبعد القصيده رحل الى ضواحي دهاما
عند العواصي وقد استقبلوه بالترحاب والتكريم الجربان والثابت وقد
جاور الحدبان فقال الحدب ياالثابت
ترو ماهو انا شيخكم ترو شيخكم غريب الشلاقي وثابتي تبي تشت
ذلوله عن غريب فعليه الطلاق والجيره
فلا ينزل مع الثابت وانا راسي يشم الهواء وقد وفوا الثابت
مع غريب وغزوا معه اكثر من غزوا ولكن اشهرها
كون الصخنه وأخذ حلال اهل الصخنه وبعد رجوعهم
من الحرب لفى عليه ابن فهد من الجربان
وقال ياغريب انت جبت حلال اهل الصخنه واهل الصخنه اخواني
فلما تحقق غريب قال يابن فهد
العذر والسموحه فأنا لا أعلم بخواصكم لاني جديد على المنطقه وارجع الحلال
وساقوا المدى وبعد ايام قال غريب ياشمر
جهزوا نفسكم نبي نغزي ومغزانا تروه بعيد وعليكم بالذلول العتله
والغربه الصميد والمزهبه الكبيره
واغلب الغزوا من رجال الثابت والعقداء اربعه وهم عايد العجل من الفضيل
من عبده واالدريعي الحدب ابن صعب من سنجاره
وابن عايش من التومان من سنجاره ونهير ابن لوذان من الغيثه من الدغيرات
من عبده وكان عدد الغزوا الف وستمائه
رجل وكانوا بتبوك وكان بها ابن عقيد من ركبت ابن سعود وخذوا
الدبش بيان وقضبوا الرعيان ولما راعى غريب
للوسم فعرف ان الحلال لبن سعود فقال لشمر اقهروا الدبش
وقال للرعيان وين راعي الدبش فخرج احدهم
وقال انا فقال غريب وش هالدبش اللي عليه وسم السعود
فقال الراعي هذا جيش الركبه لبن عقيد
فقال غريب وليه ما علمتنا فقال الراعي قوم وخذيتننا ولم تعطونا فرصه
فقال ياشمر لازم نرجع الدبش فقال بعض
العقداء وليه ياغريب فقال ابن سعود عمود للدين وحاكم ولايأخذ حلاله
الا ردي بخت فسمعوا الكلام وارجعوه
وقال للراعي سلم على معازيبك وخلهم يدعون لي بالخير وان اعود لنجد
فأنا ماظهرت من نجد الازعل على بعض ربعي
وعمايلهم مع الاخوان وتحالفهم بالخطاء وكان مغزاهم ثلاث
شهور واغلب الحلال اللي معهم لبني عطيه
والحويطات ورجعوا لاهلهم منهكين ولفى علهم ابن فهد مره أخرى
وقال ياغريب انت جبت حلال الحويطات
والحويطات ....... أخواني وكان اللقاء عند الشيخ دهام الهادي
الجربا فقال غريب يابن فهد الحويطات
ماعمر وخذت الخاوه عليهم فقال ابن فهد عوج دخان وأخواني ياغريب
ولايصير انك تأخذ حلال اخواني عندي ياغريب
فقال غريب يابن فهد يقولون العرب اليا تشابهت علهم الله عطاك
ثنتين وهذي ثالثتهن والله عطاك وحده
وهذي ثانيتهن ان الحويطات وخذه الخاوه عليهم وعزالله نبي ندي قال
اخواني ياغريب سكت غريب وبأثناء
سكوته تكلم أحد الرجال بكلام أزعل غريب وهو راشد ابن شريعيب
من الحريره وقد سمعوا الشيوخ كلمه
ابن شريعيب وسكتوا عليها فقال غريب يابن فهد نبي منك مهله خمس ايام
لكي نستريح ومن ثم نرجع الحلال فقال ابن فهد
ولك الخمسه ولاتأخر وذهب غريب لبيته ولما وصل وجد مناديب
عقيل الجاور يستنوه وقالوا ياغريب يقول الجاور
شمر مالهم عدوا اليوم والحلال اللي أخذته تلرجعه والا ما لك
الا السجن والحبس فقال لهم غريب سلموني
على الشيخ وقولوا يوم اتفاقه مع الشريف حنا بمغزانا ولكن ان شاء
الله انه ماتتكرر وضاقت به الارض لانه رجل حرب من الطراز الاول
ويعشق المغامرات فقال لهله ولاخيه
ساير ولبن أخيه غانمك ابن دلي نبي نشيل
الليله يم العقيدات ونبعد عن الشر وعن ابن فهد ومناديب عقيل الجاور
وفعلن شالوا ونزلوا على العقيدات بليلهم وبعد الوصول
قال هذه القصيده موجهه للشيخ دهام الهادي الجربا:-
| [/table1]
قم ياخطيب اكتب بحبـر وقرطـاس=للشيـخ قـواد الجمـوع الثقـالـي
يادهام ياحمـاي ولـدات الافـراس=عريـب جـدوعـم واب وخـالـي
ياملبست سـرد السبايـا باللبـاس=ويامسقيت كبـد الحريـب العلالـي
يادهام نبهتكم لنـا تقصـم البـاس=وشنوحكـم يامفنيـت كـل غالـي
حنا غدينـا بيـن شالـي وحبـاس=ضاقت وعند الله فـرج كـل مالـي
خوفوا منشي الغيم حشار الانفـاس=كيـف الافيحـج تودعونـه حلالـي
يابن فهد لوتاصلـه كـان لابـاس=ورى الحصل وقـاف تاخـذ ليالـي
متمركيا" من بيـن دلـه ومحمـاس=وتنقل وسادك في مسيـح الضلالـي
وتبي مهاوي مبعدت كـل ملمـاس=اللي لهم بقصـى بسيطـه مدالـي
دواليـا" ببحـور الادراك غـطـاس=عقبـان عقبـات تنـوس المفالـي
وتاتي عركات يشيب بهـا الـراس=عركات عنـد معبسـات الشمالـي
ياما وقع بنحورهـن كـل مدبـاس=ومروه ماكنه علـى الربـع غالـي
ربعي هل الجدعا لياهـب نسنـاس=اللي سقوا بيـص غبـون الليالـي
وابيات من عقلي كتبتـه بقرطـاس=نصيحتـن يذكربـه الاول لتـالـي
قول المهادي ياهل الجـود والبـاس=كان انت عن مثله لمثلـي تسالـي
مار عن قولتن نجد هله جوك غلاس=امـر مـن الله ثـم غـدر الليالـي
شلنا عليهن من مزابيـر الاطعـاس=وجينـا لملفانـا وعـز الاهـالـي
أما الجزيره يوم نجيه مـن الـراس=نبي لنا عن ميـل بقعـاء ضلالـي
والا ياما ذبحنا عن نجد من النـاس=وياما بها افنينـا رجـال وحلالـي
وياما بها دسنا على كـل مـن داس=ولحقت علينا بالحيـل نجـد تالـي
نجد ولاها معـرب الجـد والسـاس=بالفعـل والحـيـلاه والاحتيـالـي
حزم هل العوجا على الحرب عـلاس=وعقب الكدر شرب القراح الزلالـي
متعلمن به قبلنـا شلـع الاضـراس=كـم واحـد يامـا حربـه وزالـي
وين الشريف اللي تخاضع له الناس=يذكـر بباريـز غـروب الشمالـي
ووين الشيوخ اللي على الزبر جلاس=مثـل ماقـال جـديـع ياهمـلالـي
[table1="width:95%;background-color:white;"]
المعاني:-
شالي:-
هو ابن فهد الجربا.
حباس :-
عقيل الجاور.
الافيحج:-
وسم الحويطات.
نجد هله جوك غلاس:-
كلمه ابن شريعيب اللي زعل منها غريب في مجلس دهام الهادي.
معرب الجد والساس:-
ابن سعود.
جديع ياهملالي:-
جديع ابن ملحم من شيوخ عنزه بعد ذبحت أخوانه وعياله قال ويسند على نمر ابن عدوان.
| [/table1]
يانمر كل اللي عليها مولي=متروحه ياهيه ياهملالـي
[table1="width:95%;background-color:white;"]
وبعدها ارسل ابن فهد لغريب مرسال يقول ارسل لي أي ذلول عليه وسم الافيحج
من شان ارجعه
لخواني وادي المدى عن الموتى فلم يستجب غريب
وقال انا وشمر غزايين ثلاث شهور وعقب
التعب والذبح يرسل ابن فهد مرساله يبي حلالنا وقصد قصيده ثانيه ببن فهد
| [/table1]
يابـن فهـد عيفتنـا للجزيـره=خليتنا بديار الاجنـاب ننـزاح
يابن فهد ماطعت حكي المشيره=حطيت دونك مشرف وابن جراح
[table1="width:95%;background-color:white;"]
المعاني :-
مشرف وابن جراح:-
مشرف ابن دندن وابن جراح شيوخ العقيدات اللي رحل يمهم واكرموه غايه الاكرام.
| [/table1]
[table1="width:95%;background-color:white;"]
فلما وصلت القصيده ارسلوا الجربان
مناديبهم لاسترضاءه وعودته فصلحت الامور وزانت
وعند ذلك وبعد سنين كبر الفارس
المقدام غريب ومرض مرض قوي وجمع عياله وقال يعيالي
انا مرضت وانا خايف من مرضي
انه ينهي علي ولكن وش رايكم انتم تبون تعيشون بالجزيره عند شمر
والاتبون يم اهلكم بنجد فقالوا لاوالله يايبه
نبي ربعنا بالشعيبات بحايل فقال انا ابطلبكم طلب
انكم تودوني للمدينه المنوره ابي اصلي به
واسلم على الرسول صلى الله عليه وسلم
غديني أجاوره بتلى حياتي فقالوا ابشر
باللي ودك وشالوا يم نجد وبي اثناء ذلك حدث من عكر صفو
شمر بينهم البين اذا ان ابو دهام ذبح على يد احد الثابت
وهو فخذ الوضحان وقد استثير الشيخ
دهام من بعض دوارت الشر وقالوا كيف تقرب
ذباحة ابوك وانت حي وشيخ أملر بذبح الثابت رجل رجل
حتى تستوفي لدم ابوك فقال عزالله انكم صادقين
فعلم غريب بالسالفه وان فيه ناس يحرشون الشيخ دهام
على الثار فأرسل هذه القصيده ينبهه بالحيله قبل ان تكبر السالفه
وتصير ذبحات لشمر
وكان غريب قد رحل وعندما شاهد البروق
وهو بوادي العود ابدع القصيده توجد ونصيحه لدهام الجربا
| [/table1]
كريم يابـرق شلـع وقـت الادمـاس=بالليل يوضـي بارقـه مثـل الافنـار
خلته وانـا بمفـرع العـود بقيـاس=خمنن من البيضاء وطى خشم سنجار
نهض هيانه عقـب مانامـت النـاس=اودع شعيب الدرو بـه مثـل الانهـار
على منـازل زيـد هـو وابوحـواس=على الرباع اللي بهـن بـن وابهـار
برباعهـم تلقـى المشاكيـل جـلاس=اللي بهم ترعى الخطر حـز الاوبـار
ومجالس تغدي خواء الرس وعمـاس=وتلقى علهم مـن صليبيـن الاشـوار
وعسى لهم من كل الاثمـار تحتـاس=يادار مسقين العـدوا كـاس الامـرار
وخلاف ذى ياراكـب فـوق عرمـاس=حمرا تـزول مـن عياهـا بالشجـار
يارسل صبح الخمس من خبر الامحاس=خلـه تدوربـك مـع الشـط معبـار
ياجاء العصير وشورفتبـك بالقـواس=من روسهن يبيـن لـك رجـم عيـار
وقبل يقود المال ورمـوس الاونـاس=يدعيك بيت دهام يزمـي تقـل طـار
بيت الشيوخ اللي قديـم لهـم سـاس=اللـي علـى شـدات الايـام صبـار
بيت الياجيتـه تهـول مـن النـاس=ذولا مسـايـيـر وذولاك خـطــار
للنـار شـبـاب وللـبـن حـمـاس=تحمس لربع هم هل الصيـت والكـار
والنجر دايـم يشتغـل تقـل نحـاس=ودلال عيب كبهن عـن سنـاء النـار
وصينيتـن مادبـره كــل عــواس=يشبع بها الجيعـان بالموسـم الحـار
ياطيـر يا...علـى كــف قـنـاص=اشقر يدمـي مخلبـه عفـر واطيـار
يالجوهـر النريـز ياغايـه المـاس=مهدي الصعوب اللي ترثـع بالوثـار
وافهم مني ياشوق مدقـوق الالعـاس=نصيحـه تلقـاه يــادرت الافـكـار
ماهي نصيحه واحد ماضي الاعـراس=ياقلتلـه وش قلـت يبـدي بالنكـار
اللي علـى غـرات الاجـواد بـلاس=رايـه يدوربـه تعاقـيـد الاشــرار
وعلى الفشايل وجه اقوى من الفـاس=ويعـد شـي غـادي الحـظ ماصـار
مار تر عمدته يامعرب الجد والسـاس=ابو صعـب لاتطيعبـه رذل الاشـوار
ان رصكم عدوكـم عقـب الارمـاس=الولـد جـوكـم والعـمـارات زوار
أذخر هل الجدعا لكظـات الاضـراس=يومن بها المقفي يـدور بهـا الثـار
ياكربـو شهـب النواصـي باللبـاس=وتحيزموا بظهورهـن مثـل الازيـار
وياصار بطراف الفراقيـن حسـواس=عادة ظعاينهم تضحـي علـى الـدار
وياهلهلت شلوى وركظ كـل مدبـاس=كان العذاراى فرعـن والحيـاء طـار
[table1="width:95%;background-color:white;"]
وبعد ان وصلت القصيده لدهام الجرباء جمع الثابت
ومنهم ابو صعب وهو متعب الحدب وقال عزالله صدق
غريب لقد شوشرو فكري بعض الانذال يريدون
مني اخذ الثار من الثابت كلهم ويقولون ابوك انذبح
بحربه الحدب والعجرش والرويسي ووالله
انهم اثروا علي لكن بعد هالقصيده من غريب تبين الوضع
وان ثاري عند الوضحان وهم مع الفدعان
الى هالساعه وانتهم أخوان واقراب ولن يمسكم مني مكروه
وصفت بينهم ولفى غريب الي حايل ونزل
عند قصر ابن مساعد وسلم عليه وشار عليه ابن مساعد انه يتعالج
بالحساء فقال غريب يامير انا ما جيت ابي علاج
جيت ابسلم وابي قرب الرسول وذهب غريب وعند وصوله
للمدينه بأيام توفي رحمه الله وصلي عليه بالحرم النبوي
ودفن بالمدينه وهي منيته وبذلك انتهت قصت رجل من
رجالات شمر الاشاوس بعد ان ملئها بالكرم والفروسيه وعلوم الرجال الطيبه
وأسف جدا" على الاطاله وسامحوني انى ذكرت بعض اللى بقصهـ قبل
والى قصة رجل أخرى
أرجوا تقبل تحياتي
| [/table1]
العضو الأكثر نشاطاً هذا اليوم 
العرض الشجري
