دام الضـ~ـرورة تستبيـح المحاذيـ~ـر..
متواضعـة ترجو الرضـا
أضعها بين أيديكم عسى أن تنال شيئا من رضاكم واستحسانكم
معذور ياللي ماعرفت المعاذير
لوّك مليت القلب هم وندامه
هذا الهوى حاله شبيه المقادير
محد ٍ على كيفه يسيّر غرامه
تبقى غلاي ولا يجي فيك تقصير
تبقى العزيز إبن الكرم والكرامه
بس لي طلب واحد ولا فيه تأخير
إن كان تسمحلي عيون الملامه
مدري صراحه كانه يصير؟ مايصير؟
لكن على كل حال .. كلك فهامه
دام الضرورة تستبيح المحاذير
وأنا ضروري الليل أقدر انامه
ودي أضمك ضمة كليب للزير
لين الصدور تبان فيها علامه
من بعدها تصبح وتمسي على خير
يانور عيني .. رافقتـك السلامـه
|