دونك لحيتي إمتلت من دموع عيني = من بعدكم قام حزن الوقت يطويني
أسدل علي سواده وبصوته يدعيني = والله إني من بعادكم منضام
بعادكم يسرق الروح من الأعماق = ومن الكدر مالي منه مفر ونطاق
ما يشرى غلاكم مع غلا الأسواق = والقلب لعويناتك يندفع مقدام
أنسج لك من حوريات أفكاري حرار = إتلالا مثل اللولو بوسط محار
إما قلطتها لك على صحون كبار = ولا أرسلتها لك برجلين الحمام
من كثر ما أرثي حالي الغصن مال = طاح وتهشم من فرقاكم اللي طال
يستقوي الغصن بشوفتك تعطيه آمال = إنتي سيله وديمه لا تلبدن الغمام
وإنتي مضخة الدم من الخفوق = وإنتي مسيال الدم مع العروق
وإنتي من ترجعين بالي المسروق = غيابك ملخبط الجينات والأرقام
أدري إنها ما راح تطول المده = وإنه يبي يجي الفرج بعد الشده
مار الهوى لا صار لك يرف وش يرده = خمسه يا صبور صبرني هالأيام
تقول خمس سنين والساعه ما تدور = ويذكرني طاريكم بتغريد العصفور
وأذكر مكانك لا صارت الشمس بحدور = الله على هكالأيام عساها دوام
قلبي وأفكاري يا أنفاس العبير = والغصن وشرايينه من كبير وصغير
والساعه اللي عقاربها ما تدير = ننتظر تبثين بنا حياة الغرام
وسلامتكم // طلال الأسلمي الشمري ..
العضو الأكثر نشاطاً هذا اليوم 
العرض الشجري
