القلب معك
إجرح القلب إجرح .. ولا يهمك أحد ..
لا تـفـكر تـداوي القلب دامه معاك ..
وانا أحـبـك حـبـيـبـي ما عليه بحد ..
ما على عرش قلبي يا حبيبي سواك ..
***
أنا واحسـاس قلبي ما خلفنا الوعد ..
كلنا يا حبيبي جينا نطلب رضاك ..
كل شـيّ مـلـك يـدك قـلنا وش بعد ..
ليت يرتاح قلبك ونسعدك في هواك ..
***
أســهر الليل عندك يوم جفنك رقد ..
وذا فؤادي نديمك وين راحت خطاك ..
فيني عشقك وحبك فيني صدق الوعد ..
لوما أحسك بدمي كيف احس بغلاك ..
***
الخجل في عيـونك خلاّ ناري برد ..
والبرد من حنانك إحترق في لقاك ..
ما أفكر بـغـيـرك يا حبـيـبـي أبد ..
شوفني تحت أمرك شوف قلبي معاك ..
*****
|