اقيم في الكويت امس الخميس 23/2/2012 في مدينة الجهراء
حفل قبيلة شمر الوطني الاول وذلك بمناسبة الاعياد الوطنيه للبلاد
وشاركت ضمن كوكبه من الشعراء الذين شاركوا بالحفل
بهذه الابيات ارجوا ان تنال استحسانكم
ازهموا باسمي وانا شاعر(ن) لاجا مجاله=وكل واحد دون عانيه فريس الشعر
اعتزي لعيون شمر ولعيون الطواله =وعقب اللي ما يجمل اليامنه حضر
فك ياهاجوس الاشعار بيبان الجزاله=مالنا عن حفل شمر وشرهتهم عذر
لابتي ماللمواقف ارجال الا ارجاله=وانتم اللي في مواقفكم دروس وعبر
يوم هي بالسيف والرمح ماهي بالسهاله=مثلكم بالوقت بين القبايل ماظهر
وانتم اهل الطيب واهل الكرم واهل الشكاله=يالطنايا درع جنبي احزامي بالظهر
والوطن له حق وبيوم عيده واحتفاله=تحتفل شمر وتعقد من اجله مؤتمر
والكويت ابلادنا اللي ربينا في ظلاله=ودونها خضنا الحرايب بميلات الدهر
ولجلها حوض المنايا وردنا فوق جاله=نردع العدوان عنها ولا نهاب الخطر
كم وكم من دونها شايب راحوا اعياله=وكم شهيد اروى ثراها من الدم الحمر
مبطي وتاريخنا بالبلد ياحي فاله=وفي سجل المجد تلقا أسمنا باول سطر
من سنة عشرين والفضل لله والثناله=صيتنا عالي وتاريخنا مجد وفخر
تشهد الجهراء بميقافنا وقتٍ مضاله=وان تكلم عدد افعالنا القصر الحمر
افتخر في ربعي اهل الشجاعه والبساله=ولا اهفي حقوق القبائل وكلن له قدر
ومن يشكك في ولاء شمر من اهل الجهاله=يسئل التاريخ عنا ويعطيه الخبر
والكويت ابلادنا ام الكرم وام الجماله=وحبها بقلوبنا كلنا بدو وحضر
وعيد الاستقلال في دارنا هذي لياله=والعلم مرفوع ياكويت تحرير ونصر
والفرح عم بجنوب البلاد وفي شماله=يحفظ الله دارنا في ذرا ولاة الامر
دارنا دار الكرم والمعزه والعداله=والولاء لخوان مريم طويلين العمر
والله يعز الوطن والامير بكل حاله=شيخنا اللي بالسياسه وبالعدل اشتهر
ابو ناصر ياعسى الخير والتوفيق فاله=ويحفظ الله دارنا من صواديف القدر
تمت وصلوا على المصطفى راع الرساله=الرسول اللي بعث رحمه لكل البشر
العضو الأكثر نشاطاً هذا اليوم 
العرض الشجري
