.. اسوي للجفا موال ..

اتمنى ان تحوز على رضاكم


[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مليح الوجه والمبسم حقيقه خوذها عنّي=ولكن خذ حقيقه غيرها يا نجل الاعياني
رهيف الحس ما يقبل غرور الذات والمنّي=وانا طبعي حجر عثره يردك لا تحداني
زعامتك بجمالك تنتهي لا جيت به لنّي=اعبّر قبلها مركز وهي با المركز الثاني
وراك ابعد ترا ما كل واحد يقترب منّي=وترا ما كل مشرب يا غريب الطبع يهناني
خطيه ترتكب لا جا على بالك تجننّي=وانا ماني حروف كتاب تكتبني وتمحاني
تعاليم انتمائي ماتذوب لشي يفتنّي=وشموخي من وراك ودون يامرني وينهاني
مادام اخطاك فيك ابعد ولو فرقاك تحزنّي=والا منك لقيت الصح دورني وتلقاني
ابنسى سيرتك والا تناساها ولا ,كنّي=ولاكني عرفتك كان تقدر انت تنساني
اهيجن هيجنة فرقا على فرقاك واغنّي=واسوي للجفا موال عل الهم يجفاني
على مبداي لو زاد الشقى ما يختلف ظنّي=ازيد من السعاده مشتراي بقيمة احزاني
غريب الطبع لا ترتاع لو مرك مية جنّي=امانه لا تسوي شي للجنونك على شاني
[/poem]