الجرح أكبر

جديدي أتمنى أن يروق لكم :::


[poem=font=",5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] أحيان يطري علىّ أكسّر أقلامي =وأجنب الشعر وأهل الشعر وألحانه
وأصدر على أوراق عمري حكم الأعدامي=وأريح الشاعر اللي بي من أحزانه
وأريح الناس من ترديد الأحلامي=وأغرق بنومي مدام الناس غرقانه
لكنّي أرجع إلامن شفت لي ظامي=يشّر على ناس مثله صدق ظميانه
وأحطهم قبل لأكتب بيت قدامي=وألقى القصيدة تجيني تقل شفقانة
تقول لي لاتراجع والهدف سامي=الناس مثلك على الأوضاع زعلانه
اكتب عن اللي سرق لو دينه أسلامي=مدام جنب ويمشي خلف شيطانه
واكتب عن اللي يقول المال لأعمامي=فلايمهك حلال وناس عميانه
وعليك باللي على مسكيننا حامي=ولاجاءه راعي ظهر زيّن له لسانه
وعليك بالجاهل اللي صاير أعلامي=لافاد داره ولاحبوه جيرانه
وكم فيه مسوؤل صاير واجب ألزامي=خططه متناقضه وأفكار تعبانه
قلت أتركيني أعيش لباقي أيامي=الجرح أكبر من أهل الشعر وأوزانه
ياذا القصيدة طلبتك باأكسر أقلامي=أصبحت أخاف القصيد وكاره ألحانه[/poem]

شعر / فلاح العايد