اخوتي حبيت اكتب موضوعي لكم لعلي اجد عندكم مايناسب من حل
ليا اخ يدرس بالخارج وتحديداً بريطانيا وعمره 19 سنه وله دحين سنه
ومن خلال مكالماتي وتواصلي معاه حسيت انو يشعر بملل وضيق الغربه
هوا الحمدلله انسان خلوق وهادي وطيب الله يحفظه ويسخرله ومن معاه من
المبتعثين ويحفظهم ويوفقهم لكل ما يحبه ويرضاه
لحد هنا تمام المشكله انو في اخر مكالمه ليا معاه فاتحني بموضوع زواجه
ويبغاني ادورله عن بنت مناسبه له
وعرض الموضوع للوالد ورحب فيه بس انا متخوفه شويه
وهوا شروطه صعبه يبغى وحده كبيره وتكون هاديه وعاقله وما يهمه الشكل
قد ما يهمه انها تكون ناضجه وتتحمل معاه الغربه وتكون صبوره
طبعا من العائله يقول لا بسبب كثرة المشاكل بين الاقارب هادي الايام
وانا اعرف بنات من خارج العائله بس ما اعرف مدى تقبلهم لاخويا او
رفضهم
وكمان فيه عدة عوائق انا خايف منها
* فكرت مع نفسي من بيرضى يزوج بنته لطالب مبتعث ؟؟!
1- يأخذ راتبه من الدوله
2- لم ينهى شهادة البكالوريوس بعد
3 وعمره صغير
الكثير من الاهل نصحوني ان اغلب من يذهب للخارج يتزوج من بنات جماعته واهله لانهم يعرفون الولد وشخصيته فيوافقون لكن لا يرغب هو فالاقارب !
والبعض الاخر يقولون ما اكثر من يزوج بنته لمبتعث ..!
للأمانه انا انظر للحاضر والمستقبل ومصلحة اخي وسعادته وكذلك الخير وعدم ظلم للبنت
فلا اريد اي فتاه تقبل والسلام ..!
هوا دحين مصر ويقول لمن انزل باالاجازه ابغى اتزوج واخذها معايا ع طول
فعلا الموضوع سبب ليا ازمه ومش عارفه اتصرف
وابغى اخذ رايكم فيه من جميع الجوانب
طيب الاقي بنت ترضى بالغربه وتتحمل؟
وفارق السن تتوقعوا يكون عائق بينهم مستقبلاً؟
عمره يعتبر برأيكم صغير ولا كبير بالنسبه للزواج وتحمل المسؤوليه ؟؟!
نوافقه ع الزواج ولا نسيبه يتخلى عن الفكره وينسى الموضوع ؟