أخترت لكم هذه الأبيات عسى أن تحوز على حسن أعجابكم ورضاكم
( نظرة عجب )
لا قيتها صدفه على جال ( طرطوس )=كل الوصوف اللي تمنيت فيها
الجيد والساقين والصدر محبوس=والعين يا ستار عين(ن)عليها
شعره طويل ولا مشت تقهر أنفوس=والطول يملى عين منهو يبيها
تمشي على خطوه بها ضيق ملبوس=كن الردوف بضيمها تشتكيها
والزول لا منه مشت رجلها قوس=تقول ظابط جيش مشيت خطيها
وجادة علي بنظرة(ن)كنها الموس=وأشارة(ن)شفته بأصابع يديها
( نظرة عجب ) تعطي بها درس ودروس=ولا زلت باالتفسير محتار فيها
ولولا الحياء من باقي الناس لا أبوس=خده وكفه والشفايف أبيها
موقف غريب وكن الأحداث كابوس=ما كان قصدي غير أرسم شفيها
أقفت وأنا كني باالأقفاص محبوس=راحت بأمان الله ربي يحميها
راحت وخلتني عن الدرب محيوس=وقلب اللي صاح يصرخ يبيها
وخلك حذر يااللي تبي صوب ( طرطوس )=أخاف نفس المشكله تلتقيها
الشاعر : ( م . م . س ) الطابور الخامس
العضو الأكثر نشاطاً هذا اليوم 
العرض المتطور
