بسم الله الرحمن الرحيم
السلام عليكم ورحمة الله وبركاته
اخواني // اخواتي
اسعد الله جميع اوقاتكم بكل خير و اعتذر لأرواحكم الطاهره عن غيابي الفتره الماضيه عدت اليكم بهذه القصيده المتواضعه عساها ان تشفع لي لدى قلوبكم الطاهره
مناسبة القصيده
تلقيت دعوه من نادي السرطان التطوعي احد اندية عالم التطوعي العربي للمشاركة كشاعر في اللقاء المفتوح لمرضى الكلى و الكبد في قاعة سمير بن حريب الكبرى الكائنة في مدينة الملك عبدالعزيز الطبيه بالرياض - الحرس الوطني - بتاريخ 2-2-1433هــ.
.
.
.
.
.
نداء للي عالم الغيب شافاه = يفطن لمبليً عنا الوقت ضامه
يفطن لمن زاد الألم فيه و اعياه = مايهتني مصبح ولافي منامه
معه فشل يغسل على الدايم إكلااه = او علة بالكبد زادت اسقامه
واللي يصيب العبد تكفير سياه = لطف ً من المعبود منشي غمامه
افطن لمن كبر المرض فيه و اشقاه = صار التعب في وجه مثله علامه
من قبل لاينعاك والا انت تنعاه = بادر تبرع له وخفف الامه
ترى التبرع خير والله يرضاه = من يفرج الكربات يسمو مقامه
يارب ترحم من تبرع وترعاه = برعايتك نجّه بيوم القيامه
اللى سعى بالخير فالله يجزاه = بالخير و الجنه ويغفر آثامه
بادر بفعل الخير فالخير منجاه= و اياك تبخل تزرع الابتسامه
وختامها برفع يديني إلى الله = وانتم بعد ياهل الوفا والكرامه
عسى المريض اللي تألم و قال آه = لنا يقوم من المرض بالسلامه
الــلــى ســعــى بـالـخـيــر فالله يــجـــزاهبـالـخـيـر و الـجـنــه ويـغــفــر آثــامـــه
صح لسانك اخوووي
قصيده في الصميم صراحه
الانسان يقدريعيش في كليه وحده
ويقدر يتبْرع في جزء بسيط من كبده وينقذ حياه شخص
(ومن أحياها فكأنما أحيا الناس جميعا)
الله يشفي جميع مرضى المسلمين
لاهنت
صح بدنك اختي الكريمه
وكلامك يسعدني جدا ويشرفني
ومثل ما تفضلتي يقدر الانسان يعيش بكليه وحده والسبب في كتابة القصيده حث اقارب المرضى على التبرع لهم
عسى الله يبارك فيك ويجزاك خير
الشاعر القدير :
( ممدوح سماح الشمري )
عوداً حميداً طال عمرك
و صح لسانك ملايين ولا يكفون
قصيدة أنسانيه من شاعر راقي
اسأل الله أن يشفيهم ويشفي مرضى المسلمين
لا تحرمنا جديدك يَ الشيخ
كل الشكر لَ فخامتك ..
الشاعر القدير :
( ممدوح سماح الشمري )
عوداً حميداً طال عمرك
و صح لسانك ملايين ولا يكفون
قصيدة أنسانيه من شاعر راقي
اسأل الله أن يشفيهم ويشفي مرضى المسلمين
لا تحرمنا جديدك يَ الشيخ
كل الشكر لَ فخامتك ..
الله يجزاك خير وصح بدنك مدد بلا عدد شرفت بمرورك العطر
واللهم امين يارب
شكرا لك بحجم السماء