السلام عليكم ورحمة الله وبركاته ...
مسااء .. الخير ... وصبااح النور .. للجميع ...
أتمنى .. من .. الشاعره .. الأخت .. الشمريه المجهوله ..
أن تتواجد ... بهذا المتصفح ... وتبهجنا .. بروائع حرفها ...
وتخبرني عمَا أريد ... وعندنا لا نعرف إلا الإسناد .. هو محاورتنا بنجد .. والشمال عموم ...
أتمنى .. أن أقدم ... وتقدم ... الأخت الغاليه .. مايحوز على رضاكم ..
أقول :
قولوا لمجهوله تجي عندنا هان=بنت الشرف بنت العفاف النقيَه
يابنت قوليلي عن أخبار الأخوان=أخبارهم بأرض العراق السبيَه
وش لون ربعٍ بالجزيره لهم شان=وش لون سنجار الجبل يابنيَه
وش لون بغداد ونخلها بالأعيان=وش لون صقعيها وتمن يديَه
وش لون دجلتها تمشَى بالأحزان=وش وضعها والدم فيها سجيَه
وفراتها العارم حياته بنيران=هو يسقي العطشان من حوض ميَه
وأبي جوابن وافيٍ حول الأسكان=وش وضع سكَانه وحال الحميَه
يابنت أنا في حبكم حيل هيمان=لكني اموالي وأجازي بسيَه
خوذي مقاصد قالتي ضمن الأوزان=وأعطيني المطلوب وأعطيك ريَه
ياشاعره تفهم تصانيف الألحان=جيتك نصيتك بالبيوت الزهيَه
هذا كلام اهلال ينشد عن أخوان=أخَون وينشد عن أخوان زيَه
أخَون يعيش الهم في كل الألوان=جسمه هنا والقلب ... وسط السريه
وسلامتكم ..
هلال عزيز الشمري ...