عجوز تتحدى ابليس

كان فيه أمراة عجوز جالسه بروحها

وفجأة طلع لها ابليس ………
العجوز خافت وسمت بالرحمن...

قالها ابليس : أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهن عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز : خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان.

أبليس: اوكي

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس…….
اذا تبي فلوس لا تتدخل ولا
تتكلم وافق الشاب لأنه مل من البطاله ويبي فلوس

راحت العجوز ومعاها الشاب لمحل قماش وقالت له أنطرني عند باب المحل...

دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم ولا بيصير شي ء ما صار

التاجر :ليش …..لها لدرجه …..شسالفه

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قال لي أن عارضتي الزواج أطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمه

و العجوز تبجي...

التاجر: خلاص هونيها وتهون والله كسرتي خاطري ….خلاص أنا أعطيج القماش

ببلاش….وعسى الله يأجرني

العجوز طلعت مستأنسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز: آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز: مشكوووووورة ما تقصرين إن شاء الله أردها لك (تعمدت تنسى القماش ) وطلعت.

الزوجة: حرام نست قطعة القماش …أكيد بترجع بعد شوي وتأخذها

بروح أحطها بالدولاب..

تاجر القماش رد لبيته وتغذى ذاك الغدا السنع ونام شوي .

قام العصر وفتح الدولاب بيغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: شفيج يا بنيتي ليش تبجين

الزوجه : زوجي طردني …وما أعطاني فرصه أتكلم .

العجوز: خلاص أنا بأوديج بيتي وأنا بروح أحل المشكلة

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبجي وتقول : كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطة وقبضت على الشاب والزوجه وقطوهم بالسجن....

العجوز: ها ها شرايك يا أبليس دورك اللحين حل المشكله

أبليس : لا لا ما أقدر أحلها السالفة تشربكت وصارت عقده...

العجوز: أنا راح أحلها وكأن شيء لم يكن ..
وراح أربح الرهان

راحت العجوز تزور الزوجه بالسجن وقالت لها : أنتي ساعدتي مرة

وأنا اللحين بأساعدج …..يلا ألبسي عباتي وغطي نفسك وأطلعي من السجن كأنك أنا وأنا بأقعد

مكانج.

الزوجة: مشكووورة ….لكن أنتي

العجوز: مالج شغل مثل ما طلعتج بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشنو مسوين

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول: غلطانين

وتبون تتكلمون.
شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتج لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : شرايك يا أبليس أنا فككت السالفه بكل سهولة

أبليس : أنتي ربحتي ….
يمه ……… يمه أن كيدهن عظيم
انحاش منها وهو خايف

عاد مو كل الحريم والبنات كيدهن عظيم

تفرحون به الحين علينا

هههههههههههههههههههههههههههههه

يالبى العجايز بسس

تسلميين حبوبآآ ستمتعت بقراءتها ..

اقتباس المشاركة الأصلية كتبت بواسطة همس الخجل~ هههههههههههههههههههههههههههههه يالبى العجايز بسس تسلميين حبوبآآ ستمتعت بقراءتها ..

اي والله يحليل العجايز يونسن

مشكوره على المرور الكريم

مشكوووووووووووووووووورة على الموضووووووووووووووووووووع

اقتباس المشاركة الأصلية كتبت بواسطة الفتى الذهبي مشكوووووووووووووووووورة على الموضووووووووووووووووووووع

اسعدني مرورك الكريم

ههههههههههه
ياحليل هالعجوز ..

اقتباس المشاركة الأصلية كتبت بواسطة نوارتي ههههههههههه ياحليل هالعجوز ..

دووم هالضحكه يارب

هههههههههه

انا كيدهن عظيم

اقتباس المشاركة الأصلية كتبت بواسطة كبريــاء شـــمر هههههههههه انا كيدهن عظيم

اسعدني مرورك الكريم

يالبيه يالعجيز

والله ماهي بسيطه

يسلمووووووووو على القصه

اقتباس المشاركة الأصلية كتبت بواسطة لحن الوفا يالبيه يالعجيز والله ماهي بسيطه يسلمووووووووو على القصه

اسعدني مرورك الكريم

ايواا العجيز ماهي هيييينه,,


يسلموو قلبي ع القصه الفله,,

اقتباس المشاركة الأصلية كتبت بواسطة *!لعيون نائبه!* ايواا العجيز ماهي هيييينه,, يسلموو قلبي ع القصه الفله,,

اسعدني مرورك الكريم

هههههههههههههه
والله مو بسيطة هالعجيز


كثري لنا من هيك هموس...<< ازين من الحروب

اقتباس المشاركة الأصلية كتبت بواسطة الـمــسـاااافـر هههههههههههههه والله مو بسيطة هالعجيز كثري لنا من هيك هموس...<< ازين من الحروب

ابشر يالمسافر عاد انا انطنخت هههه

اسعدني مرورك الكريم