|
قصيده لــ حل قضيــة جـبار السبيعي
هذه القصيده للشاعر :
عايش بن هاضل ابو ليل السبيعي
لـ حل قضيـة :
سجين الدم/ جبار ابن مقعد بن عايض الصندلي السبيعي .
**
يالله يافارج هموم المخاليق
فرج هموم اللي بلته الليالي
ياعالمآ مآفي الصدور المغاليق
تعقد بــك الامال والاتكالي
يا سبيع ياروؤس الجبال الشواهيق
انتو اهل الفزعات فأول وتالي
جبار أبن مقعد من الحزن والضيق
ينخى ويندب طيبين الرجالي
يندب وهمه لاحينُ بالمعاليق
في سجن الاحساء له ليالٍ طوالي
الوضع يبغى له تكأتف وتحقيق
وحنأ على الله عاقدين الامالي
قلوبنا على التنازل مشافيق
وكلاً يقول انا بحالي ومالي
الفو على شمر مع فكـة الريق
وجيهكم يا محتلين التوالي
يمكن يحلق طاير الخير تحليق
وشمر لهم صيتاً مع الناس عالي
نبغى لنا مع الشريفات تنسيق
ونطلب بجاه الله عزيز الجلالي
وجاه الملك مالي خلي الصناديق
اللي يورد قاصرات الحبالي
بين الجبال النايفه كنـة طويق
من لآذ به عده من الهم خالي
الصندلي عليه الاحكام تطبيق
باقي الآجـابه ينتظره السوألي
العفو يا نواف من الله توافيق
دور رضـاء معبودنا خير والي
لنا على شمر حقوق و مواثيق
ودنياك هذي تاليتها زوالي
**
الله يرحم عبدالمنعـم بن نواف الشريفي الشمري .
ويسكنـة فسيح جنأتـة ،
والله يفرج لكــل مســلم ..
تنبيه : مرسلـه لي خاصه لأجل تنزيلها ونشرها
وربي يكتـب اللي فيـه خيـر ..
|
العضو الأكثر نشاطاً هذا اليوم 
العرض العادي
