لـــغـــز الــبــــنــدول 2,,,,حلته على النيه ,,,,,السحاب ,,,,

الله يمسيكم بالخير أحبتي ــــــــــــ اللغز هذا سهل بالحيل ولا تغركم كلمة البندول

بس ياليت احبتي تكون الرمعه مره وحده يعني مانبي نظام شختك بختك هههههه

المهم ممكن احد منكم يجيب على اللغز كمجمل الشئ ولكن انا هنا اطالب بمحتوى هذا الشي

يعني كأن يقول احدكم السياره والمطلوب شئ معين بالسياره لذالك ماتكون الاجابه صحيحه ــــــ وفقكم الباري

من العام اهوجس كيف اصوغه واجيبه=ألملم افكاره ويجي شطح باللغز
واليوم بانت لي وصوفٍ رهيبه=تبي عقولٍ تفهم اللغز وتحرز
رجلين تفرقهم بناتٍ غريبه=ويتباعدون بساع ليااحتاجو الفرز
ونفس البنات تضمهم مايريبه=تنكس بساع تلمهم كنّهاالطرز
وفي وسطهم بنتٍ صغيره ذريبه=فيهاأساس اللغزياعارف الرمز
البنت منهم بس ماهي قريبه=دايم تعرى بعالم الشورت والجنز
يحتاجه اللي بالخلا شد جيبه=وتلقاه مع راع الصغيرات والبنز

/


الحل جابته على النيه صح السانك شاعرتنا

صح لسآنك على اللغز المليان
رمعه سريعه
السحاب أو مايسمى ( السوسته ) وتوجد بالملابس وأيضا بالسيارات

اللجاوي

الله يعطيك العافية

طبعا انا ابغا بندول عشان احل لغزك

صدع راسي وانا ماني عارفة ايش الحل وتوهني البيت الاخير

كنت ببالي اقول الدراجة

بس اكيد خطأ

بحاول ادور حل

او اتابع بصمت

تقبل مروري

صح لساااانك هالغز يبي تفكير يالقرم

لي عوده
داخل من جوااال

اقتباس المشاركة الأصلية كتبت بواسطة najla اللجاوي الله يعطيك العافية طبعا انا ابغا بندول عشان احل لغزك صدع راسي وانا ماني عارفة ايش الحل وتوهني البيت الاخير كنت ببالي اقول الدراجة بس اكيد خطأ بحاول ادور حل او اتابع بصمت تقبل مروري

الله يحيك هلا وغلا

ننتظرك اختي الفاضله ,,,,,,,,,,,والدراجه انتبهي لاتروحك بعيد بهالمطر ,,,, هههههه

بنتظارك

اقتباس المشاركة الأصلية كتبت بواسطة قيس الحسيني صح لساااانك هالغز يبي تفكير يالقرم لي عوده داخل من جوااال

/

الله يحيك اخي الفاضل قيس وننتظر عوووودتك وياهلا

هلا بك ياللجاوي وهلا بلغزك من زمان عن الألغاز
صح لسانك وعلا شأنك ولا هنت
وجاري البحث والتحري

اقتباس المشاركة الأصلية كتبت بواسطة نسمات هلا بك ياللجاوي وهلا بلغزك من زمان عن الألغاز صح لسانك وعلا شأنك ولا هنت وجاري البحث والتحري

/
ههههه الا التحري واللي يرحم والديك تخوف هالكلمه هههه

ننتظرك ,,,,,,,,,بس نصيحه لا تروحون للفضاء خلوكم بالارض

وش تقول بمساحات السيارة

"

الجوماطرواقبلت مع شعيبه=يزبدغثاهاوالشجرتقمزه قمز
اشوف لغزك ومنوتي لو اجيبه =لغزٍ صعيب وبانين فيه لك مرز
بحرت به والعين جابت سريبه=دمعٍ تكبه وبلزت عينها بلز
وان قاله الله برمعتي لك اصيبه=والحل عندي يعادل اموالهاكنز

هههههه

انتظر لي عوووووده ان شاء الله

وش تقول بعيار السرعة
أو المراية الي بوسط الغمارة الي تشوف فيها الطريق

اللجاوي
صح لسآنك على اللغز المليان
رمعه سريعه
السحاب أو مايسمى ( السوسته ) وتوجد بالملابس وأيضا بالسيارات

اقتباس المشاركة الأصلية كتبت بواسطة على النيه اللجاوي صح لسآنك على اللغز المليان رمعه سريعه السحاب أو مايسمى ( السوسته ) وتوجد بالملابس وأيضا بالسيارات

/


لا بعد وحطه الصوووره بعد ماخليتي شي هههههه

صح السانك ملايييييين كفو والله

نعم بس المقصود حق فراش البراو الرحلات وطبعا كلهم يعملون بنفس الطريقه
ويؤدون نفس الغرض

على النيه عليك شرح اللغز,,,,,,,,,,,

متأخره
كفو على النيه قدها وقدود
تسلم اخويا اللجاوي عوافي ع اللغز الغير شكل
كنت اتمنى الحق عليه بس مالي بالحلو نصيب

صح لسانك ياللجاوي
وصح فكرك ياعلي النية
وتسلمين على هالرمعة القاضية

اقتباس المشاركة الأصلية كتبت بواسطة اللـجـاوي / لا بعد وحطه الصوووره بعد ماخليتي شي هههههه صح السانك ملايييييين كفو والله نعم بس المقصود حق فراش البراو الرحلات وطبعا كلهم يعملون بنفس الطريقه ويؤدون نفس الغرض على النيه عليك شرح اللغز,,,,,,,,,,,

صح بدنك والف شكر لك للغز الرائع
الصوره توضيح أكثر للحل ( اثبات بالصوره هههههههههه )
والشرح اتركه عليك شاعرنا القديرر
بأنتظآرك ...

رواء الروح ونسمات لاعدمتكن يآ غآليآت ,,,