[ ديوآن الشـآعر / عيادة الجهيلي ]

اذكر ان الجـو ممطـر كنـت انـا اتلحـف لقـاك.=كنت واقف طـول ليلـي انتظـر لحظـه اشوفـك
كنت انا اتأمل خروجـك كيـف يلقانـي ضيـاك.=كنت في عتمـه وانـادي تبتسـم فينـي حروفـك
كـــان ذاك الـيــل بـــارد والامـــل عـنــدي دفـــاك.=كنـت مستـنـي وصـولـك غــردة فيـنـي طيـوفـك
واذكـر انـي مثـل قلـبـك مـنـك علمـنـي صـفـاك.=واذكر انك ماشهرتي فـي ظهـر حبـي سيوفـك
وافـيـه لـيـت الـزمـن يـاخـذ ثـوانـي مـــن وفـــاك.=اذكـر انـي بعـد فتـره جيـت لـك ابـكـي ظـروفـك
انتـظـرتـك مالقـيـتـك مــارجــع مـنـهــو ضــمــاك.=ضاقت الدنياء بعيني ااااه من خوفي وخوفك
صـــار مـاكـنـا نـتـوقـع اظـلــم بـعـيـنـي ســمــاك.=الــفــراق الــمــوت مـاغـيــره وعـزتـنــي حـلـوفــك
اااااه ياجـرح(ن) بقلبـي ضمنـي بـعـد الـهـلاك.=بــس مـــره ضـمـنـي تـكـفـى وخلـيـنـي بـجـوفـك
مـاتـت الـلــي قلـبـهـا ياخـافـقـي يـسـمـع نـــداك.=كــل حـاجـه بعـدهـا مــع قـسـوة الفـرقـا تعـوفـك
بعـدهـا يـاحـزن مـالـي بـيـن هاالـعـالـم ســـواك.=الجروح اللي معـي اول عـزاء لااخـر ضيوفـك

ياشوارعنا القديمه اذكري لحظه خطانا
اذكري وشلون نلعب والصبايا مو معنا
كنا نفرح لا لقينا بنت تمشي باالطريق
كل واحد كان يتفاخر بجسمه
كانت الاشواق نسمه


كنت انا اضحك
وكنت انا اكذب
وكنت ااقول انه تبيني
وماتبيني
بس انا مسكين واحلم
ماتبيني
كانت احلامي تبيني


كنت حافي ومامعي الا ريال
جبتبه بسكوت مالح
وتم توزيعه على خالد وضيف الله وصالح
كنا مانعرف مصالح
كان ضيف الله يقول
قولوا مقص ....!!
كنا نضحك يوم ردينا جميع
حبك الجني ورقص


كنت فاشل باالحساب
بس احب الهندسه
كان منظره غريب ...!
وبين كتبي احبسه
وكنت احب المدرسه .....!!
رغم الفشل ......!



كنت اغيب فسحتي مابي فطور
مدرستنا بينها وبين (( الحويده )) خطوتين
انتظر وقت الخروج واشتري في فسحتي عسكريم
كنت ماقول ايسكريم
ههههههههههههههه
وكل يوم انا اتوهق مع ابوي
عيادة نعم ليه افمك حمر ...؟
والله يابيي مدري
بس انا ادري يا.......................!!


بقلمي ..........!!
عيادة الجهيلي

وين انت عني شف حياتي بدونك.=هم وحزن وجروح ليل ومسافات
امشي وشوف الكون كله عيونك.=واقف على نظرت امل وقتها فات
كل المشاعر في ... عيادة ... يبونك.=هذا وانا ادري فيك من ضمن الاموات
هديتك وانفاس ذكرى دخونك.=والمزهريه وباقة الورد باالذات
نامو معي وانا سهرتك واصونك.=عن حلمي اللي مات ظيم و متاهات
الصبح واحساس المساء يذكرونك.=في بهو صدري لو خلا مابه اصوات
الليل ونجوم السماء يسألونك.=جاوبتهم بدموع شعري والابيات
حتى المطر دور على نفس لونك.=لقاه في قبرك وناداه بسكات

انتي برواز الحياة اللي رسمت
ياربيعي ماعلا غيرك ندمت
.
.

آآآه رحتي وكنت بعيونك مقصر
سامحيني في مماتك ياحياتي
ايه انا ندمان بعدك وش بقى
غير دمعه في عيوني
تحترق ,, تختنق
كانت اخر امنياتي
.
.

لوحتي تبكي عيونك
ريشتي نبضه حزن
والحياة اللي بدونك
كيف تقدر تتزن
.
.

شوفني جالس على ذاك الرصيف
انتظر انك تمر
بس انا ادري ماتمر
آآآه ياروحي من الفرقا جمر
.
.

آآآه انا البارح حبيبي اسئلك
قلت سامحتن وقلت مسامحك
.
.

ياملك يااللي على هيئة ملاك
طيبتك,, رقتك ,, هيبتك
كلها عندي ولاكن ماتبيني
تسألن عنك .. وقلت الجرح فيني
قالت انه ماتبيني .. هي تبيك
قلت انا مثلك ابيه
.
.

للاسف مقدر اجيه
مادريت اني بلحظه افقده
مادريت
مادريت
مادريت
كنت ناوي اسعده .
.
.
.


بقـلمي ..
عيادة الجهيلي

مـريـت انــا بيـتـك وسلـمـت الإحساس.=لـلـعـبـره الــلــي فـــــي خـفــوقــي تـعــانــي
شـبــاك غـرفــة صـاحـبـي كـلـهــا يــــاس.=والــحـــزن يـــــروي قـصــتــه واحــتــوانــي
اول بها عشـق الذهـب حـب الاالمـاس.=وصـــوت الـغــرام الـلــي لـخـلـي دعـانــي
واليـوم هـي تحـت الثـرى طيبـة الـنـاس.=راحـــت وانـــا حـزنــي مــعــي بـاالـثـوانـي
اتـذكــرك واعـيــش مـــع كــــل وســــواس.=ومـــن حـــزن تفـكـيـري اضـيــع مـكـانــي
اقــرب مــن الانـفـاس يــاروح الانـفـاس.=يـاالـلــي خـذيـتــي كــــل شــــي بـزمـانــي
افلست بعدك وش يجي عقب الإفلاس.=الا الـنـهـايــه فـــــي عـــيـــون الامـــانـــي
سكـرت بـك خلقـه مهـي سـكـرة الـكـاس.=ســكــرة حــــزن قــالــت تـعـالــي تـهـانــي

سلام الله على حزنٍ بصدري لاجل نور العين.=اشيلـه واحضـنـه وابـكـي علـيـه بهـاجـس احـزانـي
اضـمـه مـثـل طـفـلٍ ضــم لـعـبـه باالـمـنـام الـشـيـن.=مـنــامٍ مـابــه امــــه مــاتــت امــــه صــــار وحــدانــي
يقربهـا عـلـى صــدره مــن الحـسـره وجــور البـيـن.=يحـسـب ان الأمــل فـيـها يـشـوف امــه بـهـا ثـانــي
سلام الله على ذيـك الجـروح اللـي مـن المقفيـن.=سـلامـن مـــن خـفـوقـي دام حـزنــه حـــي يـرعـانـي
تعلمـت الحيـاة بطعـنـت الـلـي باالحـشـى غالـيـن.=وذلـيــت الـطـعـون الـلــي عـلــى جـرحــك تـحـدانـي
حــشــى لله مــااجــرح حـبـيـبـي لــــو عــلــى ثـنـتـيــن.=غـلاه اللـي مـعـي وجـروحـي الـلـي مـنـه تنخـانـي
احــبــك يــاعــذابٍ لــدنـــي عـــــن واحـــــة الـسـالـيــن.=وخــلانـــي عــلـــى لــوحـــة افــراقـــك انــثـــر الـــوانـــي
رسمتك في خيالي ريشتك دمعـة مـن الصوبيـن.=يــزيّــنــهــا غــــرامــــي لــوغـــرامـــك مــابـــعـــد جــــانــــي
رحـلـتـي بـــس حـزنــك مـارحــل ياقـسـوتـي والـلـيـن.=سكن في خافقي وارويت حزنـك فزعـت العانـي
انــا بيـتـك وبـيـت الـحـزن قـوسـنـي مـــع القـوسـيـن.=مــدامــك لــــي وطــــن والاآآه مـنـقـوشــه بـجــدرانــي

قالـت مــن انــت..؟ وقـلـت انــا الـحـزن كـلـه.=حزن القهر والشوق .. والجرح .. والصمت
الحـزن ضيـف .. وصـرت انـا فـي محلـه .!=لامن جلس .. اجلس .. ولامـن وقـف قمـت
احـيــا عــلــى الـمـاضــي .. والاشــــواق ذلــــه.=عــــن قــســوة الـحـاضــر .. وانــــا ماتـكـلـمـت
ارجـــــــع وخــطــواتـــي شــــكــــت مــاتـــدلـــه .!=واضـيـع فــي درب(ن) .. بشـوفـه تألـمـت .!
واقفـي وصــدري .. سـيـف الاحــزان .. سـلـه.=يــذبـــح بـــــه الــهــقــوه .. وانــــــا مـاتـنــدمــت
وارجــع عـلـى الـذكـرى .. مـعـي كــل عـلـه .!=تفـطـر عـلـي .. وانــا عـلــى شـانـهـا صُـمــت
غــيــري يــنــام .. وحــلـــم لـيــلــه .. يـضــلــه.=وانــا بحلـمـي .. يـمـضـي الـلـيـل مـانـمـت .!
مــلـــيـــت .. يــاحـــقـــد الــســنــيــن الــمــغــلـــه.=وشلـون..؟ مـن جـورك .. انـا ماتعلـمـت .!

يموت ليل البارحه
وانتي معي في مدمعي
في كل حاجه
يموت ليل البارحه

ويبقى عذاب الذكريات
اللي معي قبل الممات
هاذي يديني مامسكها غير اديك
وهاذي عيوني تلتفت يمك تبيك

حسبي على الايام
وحسبي على الاحلام
وحسبي على الاقلام
تكتب لك ! من جروحي قصيد
والحزن بحروفك يزيد
لوكان به عمر(ن) جديد
ابعشقك وذبح سنيني وعشقك
هذا اكيد

انتي فراشه حلمها اقصر من ايام الربيع
وانا الفصول الاربعه اللي بها حلمك يضيع
لوطال عمري لايهمك
حزني يبي يسئل عليك
ون مات مره وسط همك
يكفيه موت انه يبيك


بقلمي
عيادة الجهيلي

فـي غيابـك اسألـي عـنـي غيـابـك.=واسمعينـي ياحياتـي فـي حضـورك
انـتـي الـلـي كــل مافيـنـي حكـابـك.=ياعـذابـي لــو تجاهلـنـي شـعــورك
المشـاعـر ياغـنـاتـي عـنــد بـابــك.=تنحـنـي لــك يامودعـنـي غــرورك
الخيـال اللـي مـن الحـسـره غـدابـك.=والله انــه ماتـعـدى ضـــل ســـورك
والسحاب اللي مـن عيونـي غزابـك.=لايـروح ارجـوك لـو عاهـد يـزورك
كل حاجـه فيـك تضمـى مـن عتابـك.=اسقها من نرجسك واحضن زهورك
انـت غيـر البيـض يامتعـب جنـابـك.=ماتشوف الشعر يبحر في سطـورك
باالـهـداوه جعلـنـي فــدوت شبـابـك.=باالهـداوه لـو يخاصمـنـي عـبـورك
ارسمينـي فـي غلـوك فـي ضبـابـك.=شمس نوره يعكسه ياشـوق نـورك

كان السهـر ليلـه يمشيـك ميليـن.=انـا مشيـت العمـر كلـه بليـلـه
مشيتها ذيبٍ عـوى بيـن ضلعيـن.=لجت عـواه ادوى بحـس الجليلـه
شربت حزن حسين واللي نخى حسين.=وارويت صدرٍ ضاقبه مـن يشيلـه
خاويت نجم الليـل بمشاهـد العيـن.=والا حبيبـي شوفـتـه مستحيـلـه
معها ثلاث اعيال من واحـدٍ شيـن.=اقفى بها واقفى الزمـن بالحصيلـه
علمي بها سابع سنـه عنـد حطيـن.=مرت على سوق الجـروح الدخيلـه
مرت وهي ترفع سـواد الحجاجيـن.=تنخـى عواثيـر الزمـان البخيلـه
وانا عليهـا نحـت نـوح المحبيـن.=واشيب عينـي شيبهـا ينحنـي لـه
عليك قلبي طاح فـي نقـرة البيـن.=وخيـول قلبـي مايكفـي صهيـلـه
مات النخيل اللـي ربـى بالبساتيـن.=لاشك واقـف ينتظـر مـن يجيلـه

انت وينك ؟

مالقيتك
!
غير جمره من
حزن

ياحلو طعم
الحزن

لان حزنك فيه
عطرك فيه
اسمك فيه
يادمع المزن

ياعصافير الربيع
بداخلي

الجروح اللي من غيابك
معي
غّردت في مسمعي
لانك الفجر البعيد
لانك الفجر الجديد
لانك الفجر السعيد

دولتك مابه عبيد وغطرسه
دولتك قلبي وانا من يحرسه

كل ماشفتك وضوح
قلت مافيني جروح
كيف فيني وانت قدامي
لايغرك عضة ابهامي
!
كنت افكر لو تروح !

هذا طيفك في عيوني
وانت غايب
تكفى لاتحرمني طيفك
لونسيتك
!
!
بعد موتي



بقلمي ...
عيادة الجهيلي

اشتاق لك .. كرّه شمّـر .. للجبّـان البخيـل.=واغليك .. كثر القصيد .. اللي هنا .. مالكـه
غلّاك .. ماهو نزيل .. وبعد فتـره .. رحيـل.=غلّاك .. عرقٍ اجذوره .. باالحشـى ماسكـه
لوتفتح القلب .. وبعينك .. تشوف الحصيـل.=تلقّى حروفك .. بقلبـي .. هيـك متشابكـه
يانجمة الليل .. صبري .. فيك .. امسى جميل.=واصبح بفرقاك .. شمسه .. ياالغـلا حالكـه
زولك وعطرك .. تخلو .. عن عذاب الدخيـل.=واجمال بقعاء .. على صدره .. رغّت باركـه
هذا نصيبي .. كذا .. مبني علـى المستحيـل.=لوكان .. حـظ الهـلال .. بفزعتـه شاركـه
مكسور .. لوغرك بصوتي .. سماع الصهيل.=لا لا يهمك .. انا ابخـص .. دامنـي مالكـه

في عيونك
من سواد الليل حاجه
وفي عيوني
من سواد الليل حاجه
وانت ياالفجر الجديد
لاتجي نبغى نتواجه
مابقى عمرِ جديد

ياحبيبي
ياحبيبي
ياحبيبي


احضنك واطيربك فوق السحاب
وأخذك كل الفصول الاربعه
العذاب اللي معك ماهو عذاب
يكفي اني العين تنحر مدمعه

انت عمري..
وانت شوقي..
وابتساماتي وذوقي ..


وانت كل الناس ..
والالماس..
بعيون البشر..

انت حزني لاطريت
كيف تطري وانت بعيوني عمر
مانسيتك لو نسيت
فيك انا قلبي سمر


اعشقك حد الجنون
اسألي حزن العيون
اسألي كيف اعشقك

.
.


بقلمي
عيادة الجهيلي

قالت حزينه .. وقلت .. من ويش حزنـك. =قـالـت حقيـقـه .! قـلـت .. مـانـي بــداري
قالت وهي تضحك .. تـرى الحـزن منـك. = مـع ضحكتـه .. هلـت جميـع .. العبـاري
قلـت اسكتـي .. قـالـت ادمـوعـي خـذنـك. =لاحـزانـك الـلــي وقـفــت .. عـنــد داري
قـالــت عـيــادة .. قـلــت لـبـيـه .. جـنــك. =حروفـي الخمـسـه .. مـشـت لاعـتـذاري
قـالـت احـبـك .. وانـشــد الـحــب عـنــك. = خلـه يوصـف .. كيـف شـاف احتضـاري
الـقـلـب .. وعـيــون الـجـواهــر فــدنــك. =يابـوخـلـيـفـه .. لايـــطـــول انــتــظــاري
امشـي عـلـى ممـشـاك .. واظــن ظـنـك. =واقف على خوف الامل .. وانت سـاري
كــل الهـقـاوي .. مــن خـفـوقـي نـخـنـك.=تكفى ياخو عمشا .. ترى الحزن ضاري

للبيع قلبي .. من يسومـه ويشريـه.=مادام أغلا الناس .. في رخص باعـه
بس الحقيقه .. فيه للغيـر .. تنويـه.=من يشتري قلبي يشـوف البضاعـه
أعلنت من قبل العتب .. والمشاريـه.=اعلاني الرسمي .. نزل .. قبل ساعه
قلبي بكى .. دمع القهر .. في شواطيه.=وبنَى على الشاطي .. من الدمع قاعه
تزوجَت .. أحزاني العاجـزه .. فيـه.=حتى حضوري .. فيه سمع(ن) وطاعه
رغم الألم .. مازلت غايـب واحاكيـه.=ورغم الألم .. حاضر بصمت وقطاعه
يااللي تبي تشريه .. حذراك تشريـه.=خله يولي .. فيه الاحزان .. ضاعـه