التمثال

كنت أطلع على قصائد الشاعر (حامد زيد)
نالت إعجابي هذه الرائعة ونقلتها لكم

عفا الله عن خطا غدر الخناجر والضلوع ابطال=باسامح واتركك تحت الظلام الحالك لحالك

دخيلك وفر دموعك ترى هدر الدموع اذلال=وترى مافيه احد يصبر مثل صبري iiبغربالك

انا عيب علي انقض كلامي والرجال iiافعال=واذا قلت اقطع حبالك تراني بقطع حبالك

عشان اكسب هدب عيني تجرعت العذاب iiاشكال=وليتك ترأف بحالي علشان أراف بحالك

مسوي في حياتي شي مايذكر ولا ينقال=حتى العدو واهو العدو ما يعمل iiاعمالك

تمسيني على الهم وتصبحني على الغربال=تقلطني فناجيلك وتقصر عني دلالك

تحملت التعب لاجلك وانا حملي يهد iiجبال=رحلت من العذاب وما وقفت الا على جالك

علامك كلما اجيك متواضع جيتني iiتختال=معاك اليا متى باصبر وصبري معك يحلى لك

مثل ما اقبلت لعيونك لزوم تلدلي iiباقبال=ومثل ما قد حشمتك حس واحشم قلبي iiاشوالك

انا محد بجابرني اساير معك iiهالمنوال=ترى ماني تبيع لك ولاني اصغر عيالك

انا حبيت اعشقك نبض ومشاعر ما اعشقك تمثال=انا جيت اسكنك واحياك وابقى فيك وابقى لك

انا جيت اب ظمى عاشق تعب يطرد سراب اللال=انا جيت استفز رضاك من فرقاك والجا لك

انا ما همت بك عاقل انا كنت اعشقك iiبخبال=انا ما كنت احبك حي انا كنت اعشقك هالك

تخيل من كثر ما خفت تلقى للزعل مدخال=اخاف اخطي على طيفك وادوس برجلي iiظلالك

تبعتك والعرب تتبع رعود البارق الهمال=وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال=وصرت اقرب جسد يمشي معك باقفاك واقبالك

ابي قلبك يحس انه فقد بمحبته رجال=ملكته من هدب عين وخسرت ارضاه iiباهمالك

صحيح ان الفراق اقسى ولكن الوصال iiمحال=وانا صعب على ارضي غرورك واضعف iiقبالك

بعد ما حققت عيني فبعدك للرقاد امال=اعود للسهر! ياخوي فال الله ولا iiفالك

ببدل نظرتك فيني واجي لك كل يوم بحال=باكون اقرب من ثيابك عليك ولا اتهيالك

بالمك وانثرك واجمعك وارجع انثرك باهمال=باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك iiبرمال=ابشكي للعرب فرقاك واضحك عند عذالك

ابهديك الوصال فراق واهديك الفراق iiوصال=باسوي مثل ما اشوفك تسوي وافعل افعالك

عشان تعرف من فينا الزعول ومن وسيع البال=ابيك تذوق فنجالي وانا باذوق iiفنجالك

نصيحه واحتفظ فيها قصر معك الزمن او طال=ابي تسمع كلامي زين وتحطه على iiبالك

اذا حبك هبال اطفال لك عندي هبال iiاطفال=ولا وابشر بعد بهبال حب ماهو iiبهبالك

واذا قصدك تهين اسمي عشان تشمت iiالعذال=ترى لا انت ولا غيرك ولا عشره من اشكالك!!

هلابك ريم شمر وصح لسانك ولسان حامد زيد ملااااييين
ولكِ الشكر الجزيل على نقلها
وأكرر شكري لكِ على الاهتمام بنقل اسم الشاعر مع القصيدة
تقديري لجهودك لاعــــــــدمنا وجووودك.


تم التنسيق والتقييم

أبو طارق الشمري
أسعد الله صباحك بالمسرات
كم راق للقصيدة مرورك
وزدادت جمالاً وهي تترتب بين يديك
لهذا وجب شكرك وأتمنى
لقلبك سعادة تشبه سعادتي بمرور شخصك