قصيدة في خادم الحرمين الشريفين الملك عبدالله بن عبدالعزيز

سـلام لـك واللـي بمعيتـك كلـه= وللحاضرين يساق رجـال رجـال
وازكى السلام ابهـره لـك وازلـه = بدلة وفا وسوق لـك منـه فنجـال
يفوح لـك بـه زعفـران ٍ عملـه = وينساق لك يا سيدي عـذب وزلال
اعذب من الماء لا غدا القيض ملـه = اذا تغطرس قيضها وأشهب الـلال
واحلا من اللي جيب مـن منـحلله = احلا من الشهد المصفـى اذا سـال
لك يابو متعب يـا لطيـف الجبلـه = لك يا اخو نوره يا ذرا كل مهتـال
يا مـن بتاريـخ المراجـل سجلـه = فاق السجلات وتسجل لـلا جيـال
طيـبٍ وذكـرٍ مالـك الله تمـلـه = يسطر ويدرس وتضرب به امثـال
يا رمز كـل المرجلـه يـا محلـه = بينك وبين اهل الردى بحور وجبال
مـال الـردى عليـك مدخـال لله = وانت الذي مابيـن نهريـن نـزال
مـالـه عـلـيـك ادروب لله ولله = عبدالعزيز ابوك والعاصـي الخـال
من وين اببدابك على الله علـى الله = به استعين تجملـن فيـك الأ مثـال
ياشامـخ الهامـه لـك الله لـك لله = عن جم وصفك يقصر الدلو وحبال
وياسيـدي الشعـر دقـه وجـلـه = صعبـن يوفيـك بمقالـه ولوقـال
والحـرف ياكحيـلان دربـه يدلـه = والشعر ما يكتب على كـل منـوال
والمدح ماهو مـن بغـاه يحصلـه = ومايطلـق عنانـه لماهـب ينقـال
وياسيدي مـا كـل رجـل ٍ تجلـه = عيون الرجال وله ينا ضرن بجلا ل
الأ الـذي مبهـم عقـوده يحـلـه = وبموقفه يشهد له رجـال ورجـال
ذاك الذي طيب الفعول شهـدن لـه= وله موقفٍ يصعب على كل رجـال
وانت الذي رام المراجل وصل لـه = لك في سنام المجد مدهل ومنـزال
يا شمس عدلٍ والفعول اشهدن لـه = امتد نـوره للعوالـي والأ سهـال
يابيـرقٍ كـلـن تظـلـل بظـلـه = شيوخ وزحا زيح وصناديد ورجـال
بعد العظيم اللي الجباه سجـدن لـه= اللي امر جبريل ينزل بـاالأ نفـال
ياسيفنـا اللـي لا انتخينـا نسـلـه = يارمزنا اللي تفتخر فيـه الأ نجـال
انا اشهد ان الطيب حجاجـه تفلـه = وانا اشهد انه فيك يفخـر ويختـال
وانا اشهـد ان العـدل كبـده تبلـه = يشرب قراح ٍ فيك من بعد غربـال
ونا اشهـد ان الظلـم مثلـك يعلـه = مثلك يدله للسنع لا انتحـى ومـال
من للشهامه لـو تخليـت مـن لـه = من للعلوم الطيبـه يبـن الا بطـال
ياكثرها لوقلت من لـه ومـن لـه = مئاثرك مايحصيه طـرس وأمثـال
واليـوم جيتـك باالـولأ وأحفلـه = لك ولولي عهدك على الدين والحال
سلطان وكفوف الكـرم دونـن لـه = شبيه غيث المزن لا جـاك همـال
وجيت بولأ ربعـي امامـك افلـه = هم لأ بتي شمر لك اجيال وأجيـال
جيتك اجدد عهد عـودٍ مضـن لـه = معك سنين وعلـه بخلـد وضـلال
ضيدان اخوعمشى عسى الله يحلـه = رجالـك اللـي ماتوانـا ولا مـال
ابـن عنـيـزان الــذي مانقـلـه = عوج الهروج وكلمت القيل والقـال
ونكتب ولا ننسى الوطن وش حصله = بعيوننا عـن كـل مـارق ودجـال
اهل الحسد واهل القلـوب المغلـه = اللي اشتروباالدين نـزوات جهـال
الزمره اللي تزعـزع الامـن قلـه = تبطي وتبطي ماتطاول على الجـال
ماعقـب عفوالوالـد ولفتـةٍ لــه = قال اقبلو وحنا لكم بيـت وظـلال
اللي يبي العـوده فحنـا هلـن لـه = ولي يبي يطـاول نطاولـه لوطـال
مرحوم ابو فيصل وهي عـادةٍ لـه = العفو عند المقدره سمـح الا قبـال
مرحوم ابو فيصـل ومثلـه محلـه = ساق الجمل في ماحمل معه جمـال
وعيـو مقاريـد الوجيـه المضلـه = قفو مع دروب الرذيلـه والا نـذال
ودامـه كـذا نبتـر يديهـم نشلـه = حنا لهم طوفـان عاتـي وزلـزال
تبت يديهم والوطن مـا تصـل لـه = لو حا ولو محال في كل الأ حـوال
يادارنـا ولــي يـذلـك نـذلـه = في راس عيطا عن متاهات الارذال
نقلـق مضاجعهـم حزمهـم نفلـه = بعون الله المعبـود خـلاق الا زول
حنـا نعـرف الديـن حنـا ندلـه = ماهـي فتاويهـم وتفسيـر جهـال
حنا سراة الديـن حنـا حمـن لـه = دين السماحه دون تفريـط وغـلال
وسلامتـك واللـي بمعيتـك كلـه = يا حاكماً لك خافـق النـاس ميـال

الشاعر:نايف حزل العنيزان الحسيني الشمري

اقتباس يا شمس عدلٍ والفعول اشهدن لـه امتد نـوره للعوالـي والأ سهـال يابيـرقٍ كـلـن تظـلـل بظـلـه شيوخ وزحا زيح وصناديد ورجـال بعد العظيم اللي الجباه سجـدن لـه اللي امر جبريل ينزل بـاالأ نفـال ياسيفنـا اللـي لا انتخينـا نسـلـه يارمزنا اللي تفتخر فيـه الأ نجـال انا اشهد ان الطيب حجاجـه تفلـه وانا اشهد انه فيك يفخـر ويختـال وانا اشهـد ان العـدل كبـده تبلـه يشرب قراح ٍ فيك من بعد غربـال ونا اشهـد ان الظلـم مثلـك يعلـه مثلك يدله للسنع لا انتحـى ومـال

يستاهل أبو متعب الله يطول عمره على طاعته..

عويشق مشرفنا المبدع الله يسعد قلبك يارب..
ومزيد من المواضيع الرائعة ننتظر منك ..

تقبل مروري..
بقايا حلم..

لك يابو متعب يـا لطيـف الجبلـه لك يا اخو نوره يا ذرا كل مهتـال
يا مـن بتاريـخ المراجـل سجلـه فاق السجلات وتسجل لـلا جيـال
طيـبٍ وذكـرٍ مالـك الله تمـلـه يسطر ويدرس وتضرب به امثـال
يا رمز كـل المرجلـه يـا محلـه بينك وبين اهل الردى بحور وجبال
مـال الـردى عليـك مدخـال لله وانت الذي مابيـن نهريـن نـزال



عشوق

الف شكر لك على

هذه الابيات الرائعه

عــشــــوق الـــغــلا


سلم لنا بنانك طال عمرك

وكلك ذووووق على النقل الرااااائع لهذي القصيده


ورحم الله ملك القلوب ملكنا واسكنه فسيح جناته



وصح الله لسااااان الشاعر


لك مني الغلا



اخووووك


سرحان

سلمتوا ولاهنتواا ..

صح لسانه على الروعه
بالقصيده ابيات قويه
صح لسان
الشاعر:نايف حزل العنيزان الحسيني الشمري
وصح نقلك عشوق الله لايهينك

لاهنت ياغلااااااي

شرفتناا يابعد حيي