ابخش على طول بالموضوع
قبل فترة كنت جالسن مع ابوي الله يطول بعمره وكنا نتقهوى ونسولف
وهو يسولف علي قصة اعجبتن فلذلك قلت لازم اكتبه بالمنتدى من اجل الفائدة
والمتعة المهم مالكم بالطويلة يقول هاك الحين منذو مبطي
كان بوه رجال تسبير أي كبير بالسن يعني شايب مالوه الا ولد واحد اسموه سعيّد
وهالشايب حس انوه يبي يموت وحس بقرب منيتوه فقام وصوت لولدوه سعيّد وقال
اسمع ياولدي
ابوصيك بثلاث وصايا وخلهن حلقن باذانك لاتفختهن أي لاتتركهن بتاتا البته
المهم وصى ولده بهالثلاث :
الوصية الاولى قاله اياني واياك انك تصاحب السلطان لان السلطان ياولدي مثل
هاك الضلع ان طاح عليك اهلكك وان طحت عليه وانت تكسرت
والوصية الثانية قالوه لاتجوز العفن لان العفن لو تبي يسقيك من الما مااسقاك
والوصية الثالثة قالوه سدك لاتبديه للحريم حتى لو كانت امك اللي هي ارحم الناس بك
المهم قالوه لاتفشي سرك للحريم
المهم فطس الشايب اللي هو ابو سعيّد وعقب فترة تذكر سعيّد وصايا ابوه قبل مايموت قال ليه
مااخالف وصايا ابوي اللي وصانن بهن ابشوف وش يصير
مالكم بالطويلة وهو يروح للسلطان ويتقرب منه ياما صار صديق وصاحب للسلطان
راحت الايام وجت الايام وهو يقوم سعيّد ويجوز اخته لرجالن عفن بخيل ماينفع بسبع المذاهب
الحاصل ان السلطان عندوه نعامه معتني به بالحيل ويمكن لو تجي تطلبه منه اعطاك
حدى عياله ولااعطاك هالنعامه المهم قم ياسعيّد وهو ينطل أي يسرق نعامة السلطان
وهو ياخذه ويلبده بمكان بعيد عند واحدن من خوياه وهو راجع مر له واحد وهو
يشتري منه ذبيحه ( خروف ) وهو يقوم لك ويعزل لحم من الخروف وهو ينكس للبيت معوه اللحم
قال يمه ترينن نطلت ( سرقت ) نعامة رفيقي السلطان مار لاتعلمين احد وهاللحم
تليتة لحم النعامه وانتبهي ياميمه لاتعلمين احد والله الا يفصل راسي عن كتوفي لو
يدري السلطان اني سارقن نعامتوه والله الا يدب بي اللي ماخلدز
السلطان جاوه العلم ان نعامتوه منطولة وقال اللي يجيب لي النعامه او أي خبر عن
النعامه له مكافاة تسبيره
وقومي ياام سعيّد وهي تسير على جارت له وراحت السوالف وجت وهي تعلم جارته
قالت يافلانه ولدي سرق نعامة السلطان وهاللحم اللي جبتلتس
شوين من تليه لحم النعامه لكن ياخيتي لايدري احد
الحاصل ان هالجاره مامداه تمشي ام سعيّد قومي وهي تعلم جارته قالت هالون
هالون وهو ينتشر الخبر وصارن سوالف الحريم هالسالفة سالفة النعامه وسعيّد
<<< الحريم ماودك تعلمهن بسر خخخخخخ
المهم وهي تاصل السالفة لمسامع السلطان دري بالسالفة وهو يعصب وقام يضرب
اخماس باسداس قال صوتوا لسعيّد هالحين يجينن وهم يروحون ويصوتون لسعيد
شوين يامار هذا سعيّد
جاي وهو يسأله السلطان عن اللي سمع وعلى طول سعيّد جاب ماوراه واعترف قال
انا اللي سرقت النعامة واكلته
وهو يعصب السلطان وهو يقوم يبي يقفط راس سعيّد ويذبحه وهم يفكونه اللي عنده
احلم ياطويل العمر احلم ياطويل العمر
الحاصل انهم هدوا السلطان وحكم على سعيّد انه يجيب له مية راس من الابل
وهو يمشي سعيّد نافضا غبار الموت عن منكبيه فكوه الله وبيومه راح يم نسيبوه العفن رجل اختوه
وقال يافلان السالفة هالون وهالون والله وهو يتغير وجه العفن وقام يلومه وش
تبي بنعامة السلطان وبعدين ضاقت الا تسرق نعامتوه وكيت وكيت الوكاد ايقن سعيّد
ان ابوه صادز << اي كلام ابوه صحيح
قال العفن خلاص ابفزع لك باللي اقدر عليه ويوم جاء الصبح
يامار جايبن لسعيّد تيس وقال خذ هالتيس هذا اللي اقدر عليه
الحاصل وهو يمشي سعيّد وخذا التيس معوه وهو يروح يم نسيب له طيب لكنه فقير
ومع فقره مايقعد معوه شين
الوكاد يوم جاه وهو يحيي بوه ويرحب بوه جت السوالف راحت السوالف قال يافلان انا سالفتي
هالون وهالون قال مار بس هذي قال ايه نعم قال ابشر بعزك وهو يروح يم مرته قال يافلانه
لايصبح علينا الصبح الا انتي مولمه أي مجهزه لي مية عقال ويوم اصبحوا الا مرته مجهزتهن
وهو ياخذهن وهو يروح فوق له حزم وهو يصيح لجماعتوه فزعتكم يالربع تكفون
يالربع وهم يجيونه وكلن ياخذ له عقال الحاصل انهم جمعوا له مية وهو ياخذهن
نسيب سعيّد الطيب ويعطيهن سعيّد وقام سعيّد وهو ياخذ الابل ويمشي ومعهن التيس
اللي اعطاه نسيبه العفن وهو يمر لك صاحبه اللي ودع ولبد عنده النعامه وخذا
النعامه وهو يسوق الابل والتيس ونعامة السلطان يم قصر السلطان ويوم شافوه
الناس وهم يتهولون أي يستغربون وهو يدخل على السلطان
استغرب السلطان شاف نعامته وشاف المية بعير اللي طلب ومعهن هالتيس قال بالله عليك
ياسعيّد والله الا تعلمن العلم قال العلم هالون وهالون وهو يعلمه بالسالفة وهو
ينفشل السلطان من سعيد أي استحى منه وهو يقوم يعتذر من سعيّد وهو يقوم لك
السلطان ويامر انهن يحملن الابل
بالطعام ويرجعهن لاصحابهن وعلى مافعله نسيبوه الطيب وقم وهو يرسل التيس
وهو يطوي على تيس العفن قماش اسود وهو يرسلوه للعفن وهذي دليل على انه عفن وردي
عند ذلك تيقن وعرف سعيّد ان وصايا ابوه صحيحه ويوم يخالف ابوه قصده
يبي يأكد صحة نصايح ابوه ..
فلذلك اعملوا بنصائح اهلكم وسلامتن تسلمكم
وكل عام وانتم بخير
تحيتي
العضو الأكثر نشاطاً هذا اليوم 
العرض العادي
