(حرايق على الرايق): هاي بتنحكا لما صاحبه بيسئله شو الوضع
( على راسي) : عبارة لا تفيد شيء عملي تماماً وأنما تدل على الإمتنان العميق وتقدير الطرف الآخر, وتتم عادة بين الشباب الديونجيه أو المتشبهين بالديونجيه
( ولو على حسابك): عبارة غير ذات معنى وتركيبه من الكلام المتناقض, تقال عن رغبه أحد بشيء يبيعه الطرف الآخر, ويطلقها الشخص مالك الغرض ليعبر عن عدم إكثراثه بالمصاري مع إنو بموت على القرش
(ما تقتلنا بالغبره): لما واحد بيحكي نكته قديمه
(اطعج يا بكرج او اطعجني وانا بجلي): لما بيعجه شي على الاخر
(الزلمه هادا الي هناك نضامه سلامتك ما احلا بجامتك): هاي لما بيشوفو واحد اهبل
(شو هادا يا غاده شي مئلم وشي ساده): هاي لما بكونه شلة شباب بالجامعه وبيشوفوا شلة بنات حلوه وممكن تتبعها بكلمة الوضع كالونيا
(خليك في كروزك لما نعوزك): هاي لما بتكون طفشان من حدا
(اركز يا كلكز): لما بيكون واحد مشاغب كتير
(الصياعه ادب مش هز كتاف): انه انت ما الك بالصياعه هاي بدها محترفين يا عمي
( شو بدك بطول السولافة): جملة محشورة داخل قصة يزيد عدد كلماتها عن 100000000 كلمة
( وما كذبت خبر): عبارة لنفش العضلات وبداية لكذبه ورسم بطولات ما حصلت الابالخيال
(شوفير فرشه): يعني عاطل عن العمل
(إنعر يا أنعر): لما بتشوف وحده بتطعوج بالشارع وشايفه حالها
( دخيلو شو برخيلو ): لما وحده بتحكي لشب كلمه حلوه
(الطنط) : هو الشخص الفرق بينه وبين البنت انه مكتوب في هويته ذكر بتجمعوا بكثرة على دوار عبدون او على سكوير الجامعه الاردنيه
(الدواوين) : هو شخص له السلطه المطلقه في الحارات و المخيمات متعدد المواهب في استخدام الموس و القنوه ويبرز في الطوش و المشاكل
( إتعربش) : إمسك بقوة ... وعادة تستخدم للتحذير من الإنزلاق أو السقوط..
( زت أو ورر): إرمي
( الخروف) : شخص اهبل معاه مصاري يسهل الضحك والنصب عليه بسهوله
( الفايع) : الشخص الذي بيوقف شعره بالجل وبلبس بنطلون ساحل حسب شدة الفياعه.. كل ما كان مسحويل اكتر بيكون فايع أكتر وبلبس على الموضه عشان يزبط بنات
( مقلعط): بخزي مقرف
( النصاب) : مصطلح يمكن ان يطلق على ثلثين الشعب الأردني , يكثرون في وسط البلد و الساحه الهاشميه
( الكونترول) : مصطلح يطلق على أقرف مخاليق ربنا، يقوم بلم الإيجار في الباص و يمتلك مهارات التهويه للشوفير عند سباق الباصات و لديه القدرة على القفز من الباص وهوه ماشي ويمتاز بالرائحة النتنة
( مساك يا مسواك ): بتنحكي في المسا لما بتكون بتحكي مع واحد ومش طايقو
( وراي ناس بوكلوا الحجر) : مصطلح يدل على أن قائله مش فارقة معاه و مقلّع و عنده شله كبيره مستعدة للطوش
( الجويده) : هو مكان يكون مأوى الدواوين الأخير
( دير بالك عحالك): أسلوب تهديد غير مباشر
( التشبير) : تكنولوجيا تستخدم في الطوش لبهدله الطرف الآخر دون قتال
( يا كبير) : أسلوب النداء المفضّل عند الدواوين
( روح دور على بسه تلعب معها) : أسلوب للتشبير على الطرف الآخر ويكون في العادة أهبل
( على راسي قزدره) : اسلوب الترحيب عند الدواوين
( وعرض إمي) : واحد دواوين حاب يعرط على صاحبه بشي ما بتصدق
( طقع) : مصطلح يعني من الآخر صح. ومن الكلمات المرادفة: دمااااار - حريقة - اخو شلن - أخو أخته
(من الاخر صح) : مصطلح معناه طقع
( مصطلح) : اشي مش عارف شو معناه
( الز نو با) : الحذاء الذي يعرط به الدواوين
( بنطلون محقان) : بنطلون فايع للدواوين
( بنطون جزرة) : بنطلون فايع للطنطات
ملاحظة : البنطلونين نفس الشي بس كل واحد بحكي حسب البيئه الي عايش فيها
( [****][****][****]ت الهرج) : تقال للشخص اللي بقاطع جماعه كانوا بحكوا بموضوع هام وقيم وخش عغفله
( فكح) : معناه مزط او هرب او شلف
( تلولحي يا داليه) : تقال للشخص النحيف جدا وبترخرخ لدرجة الهبل
( حادي عن الراس واذرب) : بلهجة اهل اربد وفي مقوله اخرى حيد عن الراس واذرب : وتقال في الطوش او الخناقات انه يعني ما تعمل عمل كبير تندم عليه
( ولكان حاول توجع بشكل غير مباشر) : يعني لا تضرب واحد على راسه تنبلي فيه
( إحفظ هالّلطش) : يقولها من أدى خدمة لحدا ومحملوا جميله عليها
( طقع - بكسر القاف) : يقال انها كلمة دخيله وأصبحت متداوله ومنشؤها الزرقا(مجمع الباصات) وبالأخص من شوفيرية السرافيس الكوستر وتعني اشي روعه ومنيح جثير
( هاك) : يعني خذ او القف.. بس من غير نفس
( بتتخوث يا ملوّث) : تقال لمن يحاول أن يخفف دمه وبتهبّل وهو فيش أزنخ من دمّه
( يلعن روما) : مسبة قاسيه جدًا تقال عند الغضب بدل من سب الدين والعياذ بالله
( مشرِّت - بكسر الرا وفتح الشين) : تقال عادة للظاربه فيوزاته او ولا حبه
( الطنجير): يقال انها من اصل طنجرة وتقال للشخص اللي مثل اللوح ومش عارف وين الله حاطّه
( الشنتير) : تقال للشخص اللي حجمه كبير وعالفاظي
( فستق فاظي ): تقال للشخص اللي بحكي كتير وما بعمل اشي
( بنت جمل) : بنت ذات قامه طويله وجهامه
( بنت توتي فروتي) : بنت دلوعه
( سحنة) : معناها ملامح وجه الواحد
( مدعدرر ): متورم أو منتفخ
( يسنحك) : معذرة ... ما زال البحث جاري عن معناها
( قووطر) : قزدر- وتستعمل في المناطق الأقل حظاً
( بنت كوكاكولا) : بنت كسمها زي زجاجه الكوكاكولا
( بنت عدادها زيرو) : عمرها ماحكت مع شباب
( بنت معها سبير) : ابتحكي مع شبين بنفس الوقت
( بنت لوح زجاج) : بنت نحيفه جدا
( يلعن حرمه) : لا تحتاج الى تفسير! ....هذا دليل احترام للنساء في الأردن
( منغنغ- الله يطعمنا) : معناها معاه فلوس كثيرة وجيبته مليانه مصاري
( انا حاط ابليس بكيس وقاعد محله) : تعني احذر انا شب ديونجي
( اطلع من راسي وسكر الباب) : روح من وجهي
( دندره) : الدنيا قالبه
( ليخه) : مافي مسؤول
( مهبره) : تقال للحفله الفايعه
( شارب عصير منعش ): تقال للشب المستخف دمه
( ماكل مناقيش على الصبح ): تقال للشب الي مفكر حاله نغش
( بتلعب بعداد عمرك) : تقال للشاب النافش ريشه
( عمرك شفت راسك عصدر منسف) : تقال للشب اللي بتفلسف
( خاروف) : تقال للشاب الذي يدفع الحساب عن الشباب والبنات
( شب بتهواله بقشره بزر) : تقال للشب الي بعصب بسرعه
( شحدنا الملح) : تقال عند حاله الطفر
( شب منشف ريق البنات) : من كتر ما بنتف عليه
( وضعي متضعضع ): تقال للحاله الغير مستقره
( جلَس واعطي لمعه) : تقال للشاب الي قال نكته بايخه او اتمادى بالحكي
( اختصر وقسم على عشره) : تقال لشاب عامل حاله غشيم
( روق يابرقوق) : تقال للبنت المعصبه
( شخبط شخابيط) : تقال للشاب الذي يقضي حاجته على الحيط
( وشرفي بريح امك من غسيل اواعيك) : تقال في فترة الاستعداد لطوشه
( بسوي منك عشره صغار وبصيرو يدورو على بعض ): تقال عند انتهاء الهوشه والناس بتفزع
( احه) : تقال قبل الطوشه وقبل تسديد الضربه الاولى بثواني
( بسلم عليك سعد الصغير) : بحبك يا حمار
( رخويات) : الاناث
( بنت طقع) : بنت وجها وجسمها متناسق
( بنت ابتشلق) : بنت جميله جدا
( حافية القدمين) : بنت بتسمع لكاظم الساهر
( بنت عوايه) : بنت قبيحه وقالبه
( بنت شوال) : جسمها مش راكب على بعضه
( بنت شقفه) : بنت زي انجلينا جولي
( بنت جمل) : بنت ذات قامه طويله وجهامه
( بنت توتي فروتي) : بنت دلوعه
( بنت عدادها قالب) : بنت بتحكي مع مليون شب
( مهوي) : يعني ولا حبة ماكو عقل
(حصتي"بضم الحاء"): تُقال عند وجود علاقة صداقة أو مصلحة قوية تربط بين شخصين
(الخسه): مصطلح مرادف للحبيب
( ولا إشي!!): تقال للتعبير عن الدهشة من شدة موقف ما، وتلفظ على النحو التالي:
إمّا بتشديد الكلمات أو كما يلي: ولااااااااااا إشي
( إجبد) : تُستخدم عند الإعجاب بموقف شخص ما
( شو بالنسبة!): تُقال عند الاستغراب من شيء أو شخص
( صااااااااااااح عليييييك؟): للتعبير عن الموافقة التامة
( كيف حالك إنت؟): تقال لمن يقول شيئاً غريباً أو غير منطقي
امشي عا رمشي و دوس عألبي وسحسل عدربزين شواربي...حنّ علينا و خد أواعينا...يلعن أنا... يا كندرة الهنا..اضربني شفرة..من الذان للذان.. من الصررة للغرة.. من الشفةللحفة...
"عبارة تقال للغزل عند مشاهدة فتاة جميلة"..
( ينعن عمري): للتعبير عن الإعجاب بفتاة جميلة
( بحلق و زحلق): تستعمل للتنكيس أو اسكات شخص يحاول الإستفزاز المعنوي لآخر ديونجي (شخص مجرب ومثير لإعجاب الآخرين من الشباب من أبناء جيله الفاشلين
( بدك الصحيح ولا ابن عمه مقدمه للكذبه من الحجم العائلي
( انت بعدك ما بتعرفني): تقال عندما يشعر المتكلم انه اتبهدل وانمسحت بكرامته الارض
( اتمنيتك معي): تقال لحرق اعصاب المستمع واذلال شعوره
( غبر " قحط. زوبع. روح . هوي"): تعني اقلب وجهك عني ولا تفرجيني خلقتك
( يا؟؟) : مصطلح ديونجي بحت ، يرميه القائل بهدف قلة قيمة المتحاور معه و استنقاصه ، و بيان ان الشب بلويق و ديونجي ـ و هذا النوع من الاسئلة يدب الرعب في قلب الشب المسكين ويربكه وخصوصاً الطنطات
( وضعك زينون) : مصطلح ما اله خص بالدنيا ، يشير قائله الى الشخص المقابل ان الزلمة طفران و الآخر وضعه تمام التمام ، ويكون اما شاري خلوي فوق 175 ليرة او شاري سيارة جديدة او بأبسط الاحوال طالع طشة برى البلد ، و طبعا نظرة الحسد تكون تنقط من عين القائل !!
( سلامتك والهسهس) : مصطلح ديونجي آخر ، يدل على ان فلان من الناس اهبل او على باب الله ، و يمكن استخدامه للتعبير عن موقف شخصي بايخ تعرض له القائل و ظهر فيه كالاهبل.. اللي مش فاهم اشي بنعطيه مثال.. يقال عن جهاز او اداة مفعولها غير مجدي ( هالخلوي سلامتك و الهسهس )
( سلامتك والدراق) : ثمرة الدراق تدل على النضوج و الكبرياء ، و عندما نقول هذا المصطلح نعني ان فلان جاهل و لا يفقه شئ و ما اله خص بالدنيا
( و عندك كمان سلامتك و اللوز): للدلالة على الطفر كون اللوز غالي الثمن بالمقارنه مع البزر و الفستق
( بس بلاش): تدل على ان القائل يكذب باستهزاء الشخص المتحدث معه و ان ما يقوله لا يمكن تصديقه او انه لم يقتنع بحجة ما اطلقها المتحدث
( إلك عاللون): مصطلح كبيير في معناه ضخم في محتواه فيه تعظيم و تكريم للمنعوت به ، بمعنى ان المنعوت متعود على شئ معين و معاه دكتوراه فيه
( الهظاااك): لا تعليق ، شيفرة ... فمن الممكن استخدامها في اكثر من غرض و لاكثر من سبب و اكثر من معنى للدلالة على شئ لا يريد القائل ان يفهمه الى المخاطب في حال وجود مندسين في القعدة
( شايفني صاف الفيل بره): تقال لما الواحد يسمع اشي مابتصدق
( بدو يكنّكن): كلمة يكنكن مشتقة من الكانون و هو ما يوضع فيه الفحم او الحطب للتدفئة ، ومنها ان فلان راح يتدفى بنار الشوق مع زلمته(صحبيته) و الباقي عندك !!
( بالله عليك) : ولها معنايين باختلاف نبرة الصوت الملقاه
الاولى بالله عليك (بنبرة اندهاش) : وهنا تكون احد كلمات التعجب , و المقصود بها استفزاز المتحدث لمواصلة الحديث و كشف الخفايا
الثانية بالله عليك (بنبرة استهزاء): هنا تقال الكلمة عندما يريد قائلها انه يبين للي بسولف له انه لقطه بالكذبة ... و تكون قريبة من مصطلح بس بلاش
العضو الأكثر نشاطاً هذا اليوم 
مقدمه للكذبه من الحجم العائلي
العرض العادي
