قم يانديبي فوق بنزن منمر = مراوحه عند اشتغاله يديره
خصايص التبريد لجن وعمر = صياح خفراتٍ على شيخ ديره
لو طال خطه راعيه ما تذمر = الياقدح نوره وكمل مسيره
يشدي لسودا يوم دلة تغمر = لحاقة معها رهات بمطيره
انصى الامير اللي قديمٍ تومر= ما ومره كثر الدراهم واميره
نسل السباع اللي تنومس بشمر = لاحل سل مهندن من جفيره
ابن الزعيم اللي على المجد شمر = شيخٍ لعسرات المواقف ذخيره
فارس توفى لكن المجد عمر = لو ان يجحدله جمايل وسيره
الصيرمي منه القرانيس خمر = ماهي سوالف عاجزن وسط صيره
لاصنقرت بالقيظ والحزم جمر = فيةّ اجا ولا ملاوي سميره
هذا شداده بالمفاخر مقمر= وعقبه عباته جبعتها العثيره
اسمه على تاج الزعامه مسمر = يجير من طيبه على الصعب جيره
لا ياسطم حالي من الوقت دمر = والحر برقع صاقره ما يعيره
ياسطم يوم ان المواقف تثمر = وقفاتنا صارت علينا كسيره
ياسطم ما حنى دجاجٍ وحمر = رجال قومٍ له زنود وبصيره
عرش الزعامه عقب فارس مدمر= كلن علينا قام يشعب بعيره
حنا كسبنا المجد من فوق ضمر = بالحدب ما هي منحةً من وزيره
اما على روس العوالي نعمر = اقلاع عزن عاصيات وعسيره
عرد الجوانب سورها ما يطمر= في عرضها الشيهان يعلف صغيره
ولا بكيف اللي يزمر يزمر = وهذي نهاية حقبة عقب اميره
يامل قلبٍ هواجيسه يدقنه= دقت رجال الشيوخ لطنب صيواني
على حبيبٍ ملكني بالغلا كنه = مدامع ادميةٍ تقود غزلاني
المسك في منحر المجمول له بنه = غذى الجدايل شمطريٍ وريحاني
ان مر قدمي غدى النسناس له غنه= الله ومانه تقل بربوع لبناني
راعي نهودن لثوب الترف شالنه = من بينهن يفتل السنسال يافلاني
عليه اهل العباير واجذبه ونه = كني سجين العرب عند الامريكاني
اجاوب الورق وضلوعي تقل شنه = اللي بقلبي تجاه الزين بالساني
لوهو بعيدٍ حلوم الليل جابنه = متوسدن نون عيني حدر الاجفاني
القلب يامر على اقدامي ويدنه = اطى على الشوك كني وسط بستاني
لا غاب عني عيوني دوم يبكنه = ولاصار عندي نسيت الهم واحزاني
من لام متعب عسى الايام يرمنه = ويعيش باقي حياته ضيم عدواني
عساه بالاخره ما يدخل الجنه =ويغويه عن طبت الفردوس شيطاني
الله يجازي ساعة العسر باللين= تباً لساعات القهر والهظيمه
لاياوجودي وجد من يشكي الدين= من كثر فقره صارمن دون قيمه
على الذي عهدي بها الجيم والسين= راحت ماغير الذكريات القديمه
لا ياعيون مدعجات الشياهين= رقط الصدور مصخرات الخريمه
شكل الكرز كنه على ناظج التين= وحمر الطعوس اللي عقب دث ديمه
عليه غيم الحزن يمطر من العين =واصبحت لهموم الظماير وليمه
وجدي وجود اللي وقع بالميادين= في ساعةٍ فيها تبور العزيمه
يالوف قلبي لوف زرعٍ بعاصوف= داسه هماليل المطر دوس باالقاع
قبل الحصاد من البرد جاه راجوف= طاحة سنابلها على الارض وقاع
راعيها يصفق من الظيم بكفوف= واصبح يدوج لاشرابه ولاباع
يالوف قلبي لوف ريحٍ لشفشوف= اللي نحتها مع مدى الوقت ذعذاع
هوا الشمالي مودعٍ صلبها جوف= مع الزمن خلا تجاويفه انواع
عليك ياللي مابعد شفتها شوف= الا انها داخل هنى بين الاضلاع
نشدت عّنه قالو الخصر ملهوف= والعين عين اللي على الجول طلاع
ممشوقةٍ كله مزابير وردوف= خلخا لها حس القطى يوم ينزاع
اليا ابتسم باللي كما الدر مرصوف= قامة تلاالا بين اشافيه لماع
عنق الفريد اللي رتع كل حجروف= قفره عقب مزن الحيا له تمرياع
ابوجديلٍ فوق الامتان منسوف= احبال دلوٍ جابة الما من القاع
الله وامانه به على كلهن نوف= ولا يزعل الصدق المرصع باالاسناع
عليه قلبي تقل يمزع من الجوف= في كف قرناسٍ عصابه ولا طاع
راعي رموشٍ لارماحٍ ولاسيوف=صواقعٍ ظوحه شعق قبل صرقاع
يغضي بهن طرفٍ تقل دوم مطروف= من الحيا كنه عن الناس بقناع
اخفى جماله خلف شالٍ ونفنوف= بنت الاكارم نومسه حلو الاطباع
وانا لواني بالطواريق مكشوف = عشرة نقى مالي بها قصد واطماع
يالوف قلبي لوف شوبٍ لقفقوف= لاعه سموم القيض من عقب مرباع
عليك ياللي بين الاقراب معروف= من منهل العقيل صوعه بلا صاع
هنيت من ياصل هوا البال ويشوف= من شان اريح خاطري واقضب القاع
اليا انهرس ثلثين ليلي وجفني غط= غدى هاجسي يرسل على القلب تنكيده
كما الشوك احسه بالنواظر يبطه بط= تركيه دقات الهواجيس وتزيده
هذي ليال العام مرتحت يومٍ قط= تجمع خلايا الذاكره هم وتعيده
جعل فوق خدي قاسي الوقت مثل الشط= كما نهر دجله يجرح القاع ويفيده
لاجيت ابا انسى داخلي صار شيل وحط= تختل لحظي سود الايام وتصيده
غدى الحزن سطرٍ فوق خدي عليه نقط= معالم الحسره عناوين تعقيده
جرى الدمع لين انه رسم فوق خدي خط= كما يرسم الوسمي على القاع تجعيده
لا نامة الناس جيت انظر يمين ويسار= وافر بالماوس الماخوذ وابحث عنه
افر صفحاتها كنه سريع القطار= ماكني الا سوات اللي تغرب سنه
واقلبي اللي تقل يصلا على جال نار= والنار دايم تقل قلبي قريبٍ منه
عليك يابو نهودٍ مثل طلع الثمار= اللي يجي من بساتين المظايا كنه
الله واكبر اليا فرع بدون الخمار= انا اشهد انه على من شاف زينه جنه
ياعود موزٍسقاه النبع ليل ونهار= من لين عوده غصونه مايلاتٍ دنه
اليا تبسم بيضٍ تقل لولو بحار= كنه تبرهن حلا المجمول له برهنه
ماحب غيره ولوان المزين كثار= جمالها صافيٍ مثل صفا معدنه