السلام عليكم ورحمة الله وبركاته
عيدكم مبارك كل بعد حيي
ياهلا ومرحبا بالحلوين..
زوجي إذا بغى ينرفزني ويضحك علي يقول أبتزوج عليك الشرع محلل لي أربع
وانا اللي تطير بوهتي وتجن جنوني
هالحيييييييييييين ماتعرف الشرع إلا بهذي
؟؟ وينك عن اللحيه
ووينك عن السنن الرواتب وينك عن السنن الباقيه ؟؟
قال الحمد لله سنن رواتب وأصليها
وإذا عن اللحيه بنظرك ولااا
يهمك أربي لحيه وأقصر ثوبي وكل السنن النبويه الباقيه .
لما قال كذا أنا فهييييييييييييت قعدت ساعه اناظر السقف والله العالم كاني فاتحه افمي وإلا لا ؟!!
وطبعا طول هالأيام كنت افكر وش ارد عليه
وأول ماقال لي وش رايك أعرس عليك .؟؟ وأنا اللي أهذ له الشريط ( تعرفون الممثلين اللي توهم بادين تمثيل ويقولون كلام حافظينه ورى بعض ؟؟ مثلي بالضبط )
قلت : عادي أعرس عشان أذبحك وأذبح بنت ابليس معاك محد قال لك أعرس علي وبعدها عشان ربي مايعذبني بالآخره ابروح أسلم نفسي عشان يسوون لي قصاص وأستفرد فيك بالجنه بإذن الله كاننا من أهل اليمين
قال حرام عليك وش ذنبها ؟؟ قلت وبكل غباء : محد قال لها توقع على العقد
فطس ضحك علي درى إني ماعندك أحد . ياربي مدري وش جاني والله ماكنت كذا ياحليلي كنت أعرف أرد على الناس بس بهالسالفه أسلاك مخي تفصل وأصير افكر بركبي بدال مخي..
عاد أنتم وش ردودكم عليهم لما يقولون بنعرس عليكم ؟؟!!!
لعل وعسى ألقط لي رد يعجبني وأجهزة له بالمره الجايه
ابشري بالرد السنع يالغاليه ،،،،،،، تدرين وشتقولين
قولي ماتشوف والله يهنيك يالغالي وعسى عمرك طويل وتاخذ من هالنسوان
بس ابي شروط تنفذها ،،،،، طبعا يقول وش هالشروط ، بدت تتشرط ،،،، يالله نسمع قولي
عاد انتى قولي ابي الطلاق ،،،،، لازم تطلقنى ،،، ما اعيش مع ضره مستحيل مستحيل ،،،، طبعا يكون عندك عيال بهالحاله
تدرين شيسوي المسكين رايح يعدل عن رايه ويفكر بمستقبل عياله بعدك ماتتطلقيين بعيد الشر عن القارئات
واذا لزم وراسه الف سيف الا يتزوج ،،،،،،،، عاد هنا صلي استخاره يا لطلاق يالضره
همسه ( الضره احسن من الطلاق) ،،،،،، يعنى خليه يتزوج يابنت الحلال وفكى عمرك من هالدوخه
هلا ام نواف
اول شي والله يالحريم اتخوفن
بعد الي بالكويت ابصراحه بديت اخاف منكن
ولا اتجاهل اي تهديد
ولاكن فيه طريقه بسيطه تستفزين فيها الرجال
بس انتي ماعندك سالفه
تخلينه يكره العرس
ابشري والله با الرد اللي يخلية مايرد عقبة واتحداة >>> منقهرة منه قال محلل اربع طيب انا ارد علية
اذا يا الرجال والله قصدكم الدين واقتداء با الرسول صلى الله علية وسلم اتحداكم واحد بس واحد يسوي مثل الرسول صللى الله علية وسلم ويتزوج وحدة ارملة او وحدة معها بزارين او مطلقة كل واحد يبي يتزوج على زوجتة يبون اللي ماتزوجت ابد ...
.. أنا يكفيني لامني رح ــــلت أترك صدى أسمي تزين با الوفــا ولو البشر خــآنــو!!
و الله لو توصل الجد ..
أروح أنا أخطب له ..
و اللي يبيعني بـ رخيص أبيعه بـ [ أرخص ] ..!!!
و طلآق يبي يطلق من نفسه و رآضي ..
كآن خير و بركة ..
و إذا ما طلق ..
يتهنى هو و إيآها و أنا لي الله ثمـِ أولآدي ..
و بعدين ..
عمركـْ تسمعين بـ المثل اللي يقول ..
[ أسمع جعجعة و لا أرى طحنا ً ] <~
الرجل اللي يحكي بـ العرس ما يفكر فيه ..
بس بلآكـْ من اللي سآكت ..
ما تدرين إلا زآف [ العروس ] بـ بيتكـْ !!!
الله يوفقكـْ أختي و يستر عليكـْ ..
و [ يعصمـِ زوجكـْ عن العرس ] ..
و يخليه لكـْ
اكره ماعندي الرجل اذا تكلم باهالموضيع
بس وانا اختك مادام سولف باهل موضيع اعرفي انه راح يتزوج يوم من الايام سوى هالحين او بعدين وتكونين انتي وابنائك ضحيه للمراءه ثانيه
لو انك تهمينه ماتكلم في هالموضيع ولا سمح لحد يتكلم باهالموضوع الان هالموضيع هاذي هي دمار البيت
وهي الي تقتل الزوجه وهي حيه