1 قيل ضايع ودربي يامبـارك عـدال
ومن يضيع القوايـل مايفيـده دليـل
2 قلت ياناس قلبي مع حسيـن الـدلال=
لو نهوه العـواذل عادتـه مايميـل
3 كيف يترك طريقه والهوى له مجـال=
ومن بغى الصعب يصبرلويشيل الثقيل
4 قيل ياهيه وش لك في بنات الشمـال=
قلت قلبي شفوفه تحت ضلـه يقيـل
5 وقولتي كان خلي صارصعب المنـال=
يلعن العشق يودع من يذوقـه ذليـل
ردا على الراوي /فواز الغسلان
مبارك طنا
1 كان دربك عدال ولاهنـاك أحتمـال=
وأنت تدري بنو البدو قبل النزيـل
2 خذ جوابي ورتب للإجابـه سـؤال=
أبعد العاطفه والشـف والمستحيـل
3 وكلمت إبن الحلال وقول راع الحلال=
خذ نصيحة مجرب هد نفسك قليـل
4 الغلاء ماهو برد وحر صبح وزوال=
ولاهوايـة قصيدولاهرابيـد لـيـل
5 تضحيات وتفاني حب مالـه مثـال=
تلتزم باالعهد لوشفت قلبـك عليـل
6 فرق رآي العيال ورآي بعض العيال=
وبعد ذلك تعرف الفايده والحصيـل
7 وأنت فواز صاحب عرف مابه جدال=
الرجال العوارف ياخذونـك وكيـل
العضو الأكثر نشاطاً هذا اليوم 
العرض الشجري
