ليش تهديني مع الساعه قلم=دمعتي تكتب حروفك ياملاك
لو نسيتك كيف ينساني الألم=غلطتي ماكنت اوضح لك غلاك
يامساحات الحزن كلي وهم=احرقي شمعة عذابي في لقاك
ياحياتي كل مافيني ندم=كيف مدري بس انا اتنفس هواك
انهزم بك من وجود ومن عدم=ياسراب ارجوك يرويني ضماك
شوف بعدك كيف حزني مبتسم=يذكرك في خير وجروحه معاك
ارسمك قلبٍ دخل جرحه سهم=كل ماينزف يوصي في رضاك
يوم الغلاء ماشفت زولك ولا جيت.=واليوم بجروحي وصدك لفيتن
مات الخفوق اللي له الحين حنيت.=ماعاد تلقى به امل لو بغيتن
مصدوم من حبٍ مضى به تمنيت.=جيتك بقلبي وانت بالصد جيتن
اطرد غرامك وانت باالشوق قفيت.=ادعيك بحساسي ولكن نسيتن
حتى رجع شوقي علي يوم صديت.=يقول ياعيادة علامك رميتن
خلن معك ياما بصدرك تقهويت.=من زفرةٍ فاحت ومنها سقيتن
لاتتركن للي له الحزن غنيت.=انت الوحيد اللي تحس وبكيتن
قلت المصيبه يوم انا فيه حسيت.=ماحسْ بي ياشوق يومك دعيتن
يابنت انا من كل الاشواق محروم = ومن دمعة الفرقا انا جيت غايب
امر بيتك واجرح الحزن بااللوم = وينزف غلاك وتنتحربي مصايب
اتسحرك حزن(ن) قبل ما الزمك صوم = وافطر على ذكرى به الحب ذايب
استنشقك لو نسمتك جتني هموم = الذ عندي من نسيم الهبايب
انام فيك بدمعتي حزت النوم = واصحى عليك بخوف مذنب وتايب
لوكنت في دارك من الوصل معدوم = يكفيني اني كل ما اخطيت صايب
انتي مطر لو جف غيمك علي يوم = اسقي خفوقي من قديم السحايب
طبيت في بحرك وانا شخص مااعوم = ابي غرق جوفك يصير النصايب
لاتزعلين
يااللي على قلبي تجين
لاتزعلين
قلبي انتظر ..
ماشاف بحساسك حنين .!
لا لا تقولي وش تبين
ماعاد قلبي يسمعك
لوكان ماشي .. هو معك
ابجرحه لو تزعلين .!
ابجرحه .. واخذ من جروحه انين
واجرح حياتي واجرحه
وابكي على ماضيه وارجع له عتاب استسمحه
قلبي تعال بخافقي ارضيك
وانا بحزني من يراضيني
راحت علي .. بس الاماني فيك
ارجوك بهمومك تبكيني
وين الحبيب اللي مواعيدك معه .!؟
غايب وطيبك يتبعه
اخلصت له ..!
وانا انادي لك قريب ..!
ماجيتني تتبع هواه
ووسادتك تشكي جفاه
هذا اذا مثلك يانام
يامعلم اليل الغرام .!
اضحك على صدري ونام
وانا بدور لك عذر وسط الظلام
اشكي لك ايامي وتبكي من وفاك
ياما وفينا ..!
والنهايه
وش لقينا ..!
لاجيتني راضي ولا استنى رضاك
يكفي علي شفت المصايب من وراك
واليوم لايمكن ادورلك عذر
حتى الصبر
لا مايبيك
انا الذي حزني عليك
وانا الذي جيتك وانا كلي عذر
خااااايف عليك
ياقسوة الدنيا علينا وش تبي
افراحنا ماتت
وعيوننا صاحت
وجروحنا ناحت
وتبيعنا ولا تشترينا .!؟
حتى السحاب بوقفته
ياقف على لحظة الم
وحتى المطر ياقسوته
اصبح يجي فينا وهم .!
انا انتهيت والقلب فيني يبتدي
وانا معه
اذبح خفوقي في يدي
لاتروح ارجوك يكفيني غياب
الصبر من غيبتك ياعمري ذاب
انتظرتك وكل ماترجع علي
ابتسم لك ولااشوف الا العذاب .!
ارحم اللي في حياته ماعرف
لاطموح ولاترف ..!
غير دمعه في عيونه تسألك
عن غيابك .؟
عن عذابي .؟ اللي تحطم عند بابك
كل ماغبتي حياتي تنتهي
وكل ماجيتي حياتي تنتهي
وكل مافيني حياتي ينتهي
انت عمري ..
وانت عطري ..
كل ماشميت ريحك قلت بدري
النجوم اللي معي تسهر همومي
والقمر عاتب من اللهفه غيومي
من منامك لاتقومي
اسهرك ليل جديد
لو نزف جرح الوريد
لايهمك بسهرك .
بس نامي في عيوني
وان صحيتي بي تعالي من بعيد
اسمعي اهاآآآت مجنونك تزيد .
لاتسألين الناس عني وانا حي.=ان مت قولي وش حصل في حياته
خلي هواجيس الغلا تاخذك في.=وتعيش بدموعك حزن من صفاته
في دنيتي ماشفت انا باالسماء ضي.=غيرك عكس نور القمر ياغناته
ياللي عيونك من صفاها بها مي.=والرمش طايح وان وقف هو عباته
وان سلهمت طير السماء صابه الغي.=حول عليها ومرها من حلاته
والخشم سيف(ن) جهزه خالقه لي.=اموت به طعنة امل من غلاته
والفم يدعيني وهو مانطق شي.=لولو ورى ياحمود ضحكت شفاته
الشفه اللي فوق فيها اللحم ني.=مالامسه روج القلم من نباته
والشفه اللي تحت جرحه بقى بي.=مالت وعضتها قديم امنياته
انا السحاب اللي على شانك وقف
وانا العذاب اللي على شانك نزف
وانا مسافات التعب
وانت القمر والشمس
وانت النسيم اللي تنفسته صباح
وانت الهبوب اللي تغنابي مساء
شوقي على قربك رسى
لاتترك اشواقي تموت
من بعدها روحي تموت
واموت انا ..!
يااللي خذيت الروح وجروحي تنوح
سلم عليها وقلها كيف السهر اصبح طموح.؟
خذني معك لوكان حزني يتبعك
لاتترك احزاني على شاطيك
ارحل وانا برحل معك
انا معك حتى نهايات المطاف انا معك
انت الشتاء والصيف
وانت الخريف
يعني اكيد انت الربيع بضحكتي
هذا اذا مثلي ضحك .
انتي خذيتي الروح من روحي وماتت بسمتي
انتي خذيتي البوح من نوحي وضاقت دمعتي
انتي حياتي
والعمر يفداك
كل امنياتي
تستبيح رضاك
وانا تمنيتك فقط
ماابيك حرف ولا نقط
ابيك بحساسي تعيش
واضماك واشرب من ضماك كذب السراب
جيتك غلا خذني عتاب
خذني على كيفك
عيشني في طيفك
حتى ولوكذب ونفاق
فرقاك لايمكن يطاق .
العضو الأكثر نشاطاً هذا اليوم 
العرض العادي
