خاص للسحالي فقط ... ممنوع دخول التماسيح واللي يدخل يتحمل اللي يجيه ههههههههههه
خاص للسحالي فقط ... ممنوع دخول التماسيح واللي يدخل يتحمل اللي بييه ههههههههههه
-------------------------------------------------------------------------------- بسم الله الرحمن الرحيم السلام عليكم ورحمة الله وبركاته
شفت هالموضوع في منتدى وطبعا لاني احبكم وابي مصلحتكم نقلته لكم
ممنوع التماسيح بس للسحالي قلناااا
انزين برايك تحمل اللي يجيك تراني حذرتك
اسمعن يا سحالي
اذا طلبتي من اخوك انه يوديك السوق وما طاع لانه يبي يطلع ويا اصحابه ولا مواعدهم وما يقدر يتاخر لا تزعلين وقولي له جزاك الله خير ومشكور وما تقصر 00
بس طبعا هاليوم ما بيعدي على خير تعرفين شو تسوين ؟؟ عندج هالنصايح وجربيهن
روحي غرفتجك والهي نفسك باي شي واختاري أي وسيله للانتقام من الوسائل الجايه ولو تجربيهن كلهن يكون احسن خخخخخ
1-روحي لموزيل الروائح حق اخوك قبل ما يطلع من الحمام ( عزكم الله ) وهو متسبح وبطلي الغطاة وحطي فيه استون ( مزيل المناكير ) وعصير ليمون ورجعيه مكانه واظمن لك 100 بالميه ان ايده بيتم رافعنها 24 ساعة وفوق هذا حتى المشي ما بيقدر يمشي عدل خخخخخ
2-سيري عند النعال ( عزكم الله ) مالت اخوك اللي دوم يحب يلبسها .. وكلي لبان واحسن لو تاكلين الكرتون كامل وطلعي اللبان ولصقيه في نعاله من تحت وجدام واسمي بيكره حياته من الخاطر خخخخ هههههههههه
3-خذي المشط حق الشعر اللي دوم يستخدمه وغطسيه في ماي ويا بيض ني ..وطبعااا الحبيب بيكون من الحمام وكشته كلها ماي كالعادة و بيسير يمشط شعره وعاد شمي الريحة اللي بتطلع من شعره ههههه الله
يعين اللي رايح عندهم خخخ .. وعاد انتي اونك من كثر الطيبه قولي له ما تباني اسشور لك شعرك بس لا تنسين اتسكرين خشمج عشان ما تختنقين وع وع خخخخخ
4-شلي التلفون حقه وتمي لعبي كل الالعاب اللي في التليفون بس لاتخلينه يشوفك ويوم يبا يطلع قولي له سمعت تليفونك يسوي صوت كنه مفضي !!! خذ البطاريه حقت تليفوني عشان ما يفضى تليفونك ( اونك عاد كريمه ) خخخخخ
5-خذي مفتاح سيارته ودسيه مكان واذا سال عنه قولي له انك شفتيه ويا واحد من البزران اللي في البيت والاحسن يكون عمره اقل من 3 سنوات لانه ما بيقدر يصفعه وبيسير يذل عمره ذل حق الياهل خخخ بس عشان يخبره وين حط المفتاح وانتي عاد فطسي من الضحك من الخاطر بس لا تخلينه يشوفك ويوم بييأس بيدق ع ربعه بيقولهم تعالوا شلوني ما عنده غير هالحل خخخخ
6-ويوم يبا يطلع ساليه اذا يبي فلوس اونك عاد غنيه خخخ وطبعا هو ماله ويه ياخذ من عندك لانه ما طاع يوديك السوق ( الا اذا كان ويهه لوح هذا شي ثاني ) شين وقوة عين بعد
7-قبل ما يطلع من البيت خذي مفتاح غرفته بعد ما يقفلها ...حاولي تحصلين المفتاح ضروري ...عشان يوم يرجع بيكون مسطل ويبا يرقد وما فيه يدور وبيتحسب عمره انه مضيع المفتاح برا ولا ناسيه عند حد من ربعه وما بيلقى حل غير انه يرقد في الصاله وعلى الكنبه .. وعاد انتي اونك الاخت الطيبه والحنونه قولي له انا بسهر في الصاله اليوم اشوف فيلم روح ارقد في غرفتي .....
وبعدين صدق بيندم وبيقول في خاطره ياليتني وديتها السوق حليلها اختي وااااايد طيبه خخخخ بس بيحاول انه ما يبين هالشي بس في اليوم الثاني بتشوفينه بروحه ياينك ويسالك أي سوق تبين تسيرين ؟؟؟ وعاد فرحي انتي واستانسي وبيوديك ويدلعك بعد ... خخخخخ شو تبين اكثر منكذا ؟؟؟؟؟