]
يامسندي يابو لما والسهر شين=خصٍ علـى عين الـوحـيـد الـخـلاوي
يصيرهذا (الكون) مابين قوسين=وذيـب الخلا بين الـمحـاديب عاوي
قدامي امال ومـسـافه وسيدين=قــريــب لـــوانـي بـعـيـد الــحـراوي
ودورّت لي مرفى يضم المحبين=يـربـت علـى متن الحزين الشقاوي
حتى اليا منه غدى الليل ليلين=احـيـيـت غـصـن الـشعرلوكان ذاوي
في فندق النجمه طريق البساتين=عزلت نفسي عن ضـجيج الـقهاوي
عندي ولاعندي من الناس غالين=وعن ذكر مايخفى قصيدي حياوي
عندي بلح هندي وخوخه وسكين=وكشكول فيه الحرف زاهد وغاوي
ارحل وانا مدري مسافرعلى وين=ياشينها لاسرت عكس الـخطاوي
رحله غموضي تستفز العناوين=ويصيرصوت الحق خـافـت و داوي
صعبه اليا شفت القيم والمضامين=تموت بـيـدين الــطـبـيب المداوي
وصعبه تقول الشعر نزوة مجانين=تمجيد ذات ومـومسات وعـزاوي
يرمى كذا من دون قيمه وتثمين=حتى اصبح الشاعررهين الرشاوي
ماني مدوّر للـحقايق بــراهـين=مـادامـت الاقــدار بــآمــرٍ سـمـاوي
الحر ماله ياولد غــير ثنتين=وغــيــره فــلا والـلـه يــدعـى نــداوي
امـا حـياة العز بين العزيزين=والا يــهــاجــر لــويــسـمـى جـلاوي
نعم هنا تلقى امــر الامــّـرين=وتـسـقـط تـواريـخٍ وتـصعـد مناوي
في عصر تلفحنا سموم المعادين=صـرنا نـقـدم لـلـضـيـاع الاتــاوي
امه بعد( فتح المدائن) وحــطين=اطـلال والـمـجـد الـجـديد متـهاوي
كاتب يطـالب بانقسام وفـريقين=واعـلام صـوّرنـا فـسـاد وغـنــاوي
افكارهم تغرّيب والنهج تهجين=حـتـى يـكـون مـصـابـنـا بـالتـساوي
يـعـنـي تـحـررلاثـوابت ولادين=تـمــثـال مـن كـل المضامين خـاوي
والعكس تصبح انغلاقي ومسكين=مـجرم وتـرفـع لـلـسـلام المـساوي
ارهابي الـمبدا رفـيـق الشياطين=مـصـنـع لـتـفـريـخ الفتن والـبلاوي
تـفـكـيـرصـهيـوني لهدم القوانين=وتـشـتـيـت لـلكلمه وفوضى فـتاوي
لكن ولـو طـالــت ومالت موازين=لابـديضوي في دجى الليل ضاوي
لـلـمـجـد تـالـي لـلشـعارات تآبين=تـطيح رووس ولاتـطيح الغطاوي
دون امتهان العرض نصبح براكين=حتى نشم الموت من عود جاوي
وان طـال هـذا الـليل تبقى لنا عين=رجـاه بـالله مـاتخيب الرجاوي
يـشـيـل حـمـلٍ جـارويـسـدد الـدين=الـلي قـضى حكمه على كل قاوي
.................................................. ...................................
( المدائن) هي عاصمة الفرس العريقة سقطت على أيدي المسلمين
فكان سقوطها إيذانا بانهيار إمبراطورية الفرس كلها، [/quote]
العضو الأكثر نشاطاً هذا اليوم 
العرض العادي
