وداري على سود الهدب من الطباشير

02-24-2005, 07:25 AM

السلام عليكم ورحمة الله وبركاتة
اسعد الله اوقاتكم بكل خير
اخواني اللي سالوا عني اعذروني عن غيابي للظروفي الخاصه
وهذي قصيده اعجبتني واحب اهديها لكم ولاخوي الساري
واقوله اني معاك دايم ولا راح اتركك يابعدي

اليكم القصيده

يامن يساعدها بحمل الحقيبه؟
............................... يامن يساعدها ونجزاه بالخير!

يامعلمه تكفين ذيك الحبيبه
............................... لا تجرحيها واسمحي كل تقصير

لا تجرحي من قالوا انها لبيبه
............................... وداري على سود الهدب من الطباشير!

والواجب اللي فات .... بكره تجيبه!
............................... أذكر تقول إنه علومٍ وتفسير

يكفي انها بالصف تجلس أديبه
............................... ومن حسنها كل الزميلات بتغير

إن غابت أظلم صفها من مغيبه
............................... وإن جات ساقوا في مجيه تباشير

دمها خفيف وبالسوالف رهيبه
............................... والكل يبغى صحبته من ا لغنادير!

ذقت المحبه .... بس معها غريبه!
............................... معها أصطفق موج الغلا والتفاكير

معها جروحي الداميه والعطيبه
............................... زادت وهي للجرح بلسم وتخدير

زادت وهي مني حياتي قريبه!!!
............................... وش عاد لي صارت دروبه مشااااوير!!!

إما مع المطران ولاّ عتيبه
............................... ولا أبعد أكثر ما نجي له مسايير

أنشهد ان الشوق يفضح لهيبه
............................... وما ينفع العاقل كثير المحاذير

إن جا يبينّ ماخفى بان عيبه
............................... وإن جا صبوراً بينته المقادير

وإن جا يشق من الهوى حرف جيبه
............................... راعي الهوى ماله مع الناس تعبير

حتى ولوهو من جدود عريبه
............................... وّلا ظهر صيته بفخر(ن) وتقدير

حمله يحمله وإن تزايد نحيبه
............................... لحّمال غير وحمل راعي الهوى غير

منـئــولـ

اخوكم
لوف

02-24-2005, 12:40 PM

يكفي انها بالصف تجلس أديبه
............................... ومن حسنها كل الزميلات بتغير

إن غابت أظلم صفها من مغيبه
............................... وإن جات ساقوا في مجيه تباشير

لافى
هلا وسهلا فيك اخوى
صح لسانك ولسان شاعرها
وتسلم على النقل الذوق
ننتظر جديدك
سهر

اوسمتي · 02-24-2005, 02:16 PM

لا تجرحي من قالوا انها لبيبه
............................... وداري على سود الهدب من الطباشير!

والواجب اللي فات .... بكره تجيبه!
............................... أذكر تقول إنه علومٍ وتفسير

صح لسانك وسلمت اخوي على حبك لنا ولساري
ماقصرت
والله فقدناك ياخوي
بس قلنا مشاغل يمكن
الله يحييك اي وقت انت وقصايدك

اخوك
ولد القصيد

02-24-2005, 02:28 PM

صح لسانك لافي
تسلم تسلم على قصيده روعه بوجودك

اختك
بشرى

02-25-2005, 08:24 AM

هلا وغلا اختي سهر
مشكروه على المرور الرائع
تسلمين ولا قصرتي
لك تحياتي
لوف

*-**-**-*
هلا وغلا اخوي الغالي ولد القصيد
مشكور على المرور يابعدي وصح بوحك
تسلم ولا قصرت عن السوال
تقبل صادق الود
اخوك
لوف
*-**-**-*
هلا وغلا بشرى
منوره المنتدى
مشكوره على المرور
لك تحياتي
لوف

02-25-2005, 11:27 AM

إن غابت أظلم صفها من مغيبه
............................... وإن جات ساقوا في مجيه تباشير

دمها خفيف وبالسوالف رهيبه
............................... والكل يبغى صحبته من ا لغنادير!

صح لسانك يابعدي
والله يالغالي انت ان غبت اظلم المنتدى والشمس تغرب من مغيبه
عسى مافقد وجودك يابعدي يالذيب
تسلم يابعدي ماقصرت على اطلالتك
والف مبروك لك الموقع الجديد مملكه حبي
وان شالله احنا معك بالي تامر فيه

اخوك
ال ساري

02-25-2005, 02:16 PM

صح بدنك يالغالي ومشكور على المرور يالغالي
وربي مدري وش اقول يالغالي انت نور المنتدى والله
وجودك فيه محليه يالغالي ولاهو قصور بالاعضاء
والله يبارك فيك يالغالي ومملكة حبي ماهي الا جزء من بعد حيي
والله يوفقكم انشالله ويخليك يالغالي ذخر لبعد حيي واعضاءه
تقبل صادق الود والتقدير
اخوك الصغير
لافي

02-25-2005, 05:43 PM

02-25-2005, 05:47 PM

صح لسانك لوف
لك كل الشكر على القصيده
واشكرك على كلامك لاخونا ومشرفنا ساري

لك مني كل شكر
اختك
قطر الندى

02-26-2005, 01:42 AM

صح بدنك دهن العود
ومشكور لمرورك الرائع
تسلم ولاقصرت
لك تحياتي
لوف

*-*-*

مشكوره على المرور قطر الندى
صح بدنك ويستاهل الساري
الهديه وانشالله اعجبتكم
تحياتي لك
لوف