|
اتعب مقاديمك على طاعت الله
أتعب مقاديمك على طاعة الله
ولاتصخرهن لطاعة شياطين
كل ءابن أدم لازم تجيه زله
محدن سلم حتى بعهد النبيين
و لاتحسب ءان الزمن دوم فله
لازم يجيلك يوم ثم تذرف العين
ماكلفك من فوق طاقتك خله
خل الحمول اللي ثقيله على هوين
سيفك على ربعك حذاري تسله
خله بغمده وعرف ءانهم قريبين
من جاك يبغي حاجتن لاتذله
خلك معه والله هو اللي لك ءايعين
وعرف ترى رزقك على الرب كله
لكن يبغيله سبب دام حيين
ورفع مقامك عن ربوع المظله
لاتكسر الجنحان لقومن مظلين
خل الكرم والجود لك دوم مله
مازاد من حاجتك عطه الفقيرين
والدرب قدمك كان شاطر تدله
والله يقول ءانا هديناك النجدين
وفهم ترى الأجواد كل ءابمحله
لكن ظروف الناس تخفى ثم تبين
حلال غيرك ءانتبه تستحله
لوهو الشبر القاع الظلم موزين
شف سد مأرب خربه فارتله
والله حمى الرسول بعش أوحمامتين
وعرف ترا لن تخرق الأرض لله
ولن تبلغ الجبال طولا يامسكين
وامن بقدر الرب قله وجله
ولي كتب باللوح بتشوفه العين
والمال ليامنك ملكته توله
بءادارة العاقل وحكمة حكيمين
وفهم ترا في وسط كل بيت عله
حذراك تفشي سر ناسن مقفين
ولياهرج بك واحدن ءاستزله
خل المناحى عنك ماينفع بشين
ماجال في خاطرك ءاحذر تهله
خله بصدرك ذا قراره المكين
والناس كلن له ءابطبعه ءاجبله
منته وصي عالناس الشين والزين
كثر الكلام ياهوه دخان جله
لايظلل ءاظلاله أويغبنك بعدين
للوالدين ءاخفض جناح المذله
شالوك يومنك صغيرن العامين
قوة شبابك لاتخليك سفله
ترى القوي الله وبيقضي الدين
مال الحرام الزود به مثل قله
ماينفعك لوأنت تكسب ملايين
أقم عمود الدين للفرض صله
خلك بأول سطر مع المصلين
الشاعر اورنس بندر الضحيك[/size]
|
العضو الأكثر نشاطاً هذا اليوم 
العرض المتطور
