قصه صارت وصارت حلوه
على ريما المقروده
من كم يوم خربت علي كيكة شوكولاتة
نصفها الاسفل مستوي تمام وجزء بسيط من الأعلى رطب
وكان عندي جماعة يستنون حلى القهوة
ياربي وش اسوي ...
فتحت الثلاجة ادور على اي كريمة او صلصة ارقع بها الكيكة
وطن طرا طاااااااااااااان ..
طاحت عيني على الأوريو ...
بس لقيتيه ياريمااا 
وبسرعة ازلت الجزء الرطب برفق بالملعقة ..
ووضعت مكانه الأوريو المفتت ..
طبعا كسرته وفتته من قبل لا افتحه ( بكيسه )
وبعدها غطيت الكيكة بطبقة كاملة من الأوري مع الضغط عليه ليدخل شوي بالكيكة <---- طبعا والكيكة قالبتها في صحن التقديم وهي باردة .
المهم جبت لي حليب محلى وفتحت في غطاء العلبة فتحتين صغيرتين متقابلتين وحده لخروج الحليب ووحده لدخول الهواء .
المهم ..
الكيكة عاملتها بصينية مدورة متوسطة شوي وارتفاعها اصبعين او ثلاثة اصابع تقريبا ..
اخذت الحليب المحلى ( دافئ ) .. وصبيته بشكل حلزوني ..
ودخلته الفريزر عشان يجمد بسرعة ..
خمس دقايق .. وطلعته من الفريزر وصبت عليه صلصة الهيرشي <-------- كله في سبيل الترقيع
قدمتها للجماعة ....
وانجنوا عليها ...طلعت مرة لذيذة
كررت التجربة لكن خلطت الاوريو المكسر مع خليط الكيك وايضا طلعت لذيذة .
على فكرة الكيكة : خليط كيك شوكولاته جاهز .
جربوها وعلموني برايكم ....... وسموها كيكة ريما عاد
العرض الشجري
