العنصر النسائي بالمنتديات .. استطلاع ورأي

السلام عليكم ورحمة الله وبركاته
بسم الله الرحمن الرحيم
موضوع حبيت اتطرق له اخواني وخصيته بهالقسم لاني حسيت انه الانسب
اولا وجود العنصر النسائي في المنتديات البعض يراه مشكله وخصوصا المنتديات القبليه
وهناك العكس ..
لم اكتب هذا الكلام من فراغ ..
ولكن اعتقد بل اجزم ان الاغلبيه يرون اغلبيه المشاركات لايثق بهن من حيث تواجدهن
والغير يعتقد بانه اختلاط <<ليه جالسين بمجلس حنا الله يخلف بس
ااعتقد من حق المراه المشاركه والتفاعل وابداء رأيها ومنعها لايكون الا بجهل وتخلف !!
فعلا بماتحمله الكلمه ...........
وكأنها لاتعلم ماتقول وماتكبت ومع من تتحدث .....؟؟؟؟؟؟؟؟؟؟؟؟؟؟
ولم يرد شي بتحريم تفاعلها
فلماذا النظره السئيه من قبل البعض بمشاركة اخواتهم وبنات عمهم وبنات ارضهم
ولماذا النظر للمراه بأن لاتعطى الثقه الكامله بممارسة حقوقها على اكمل وجه .. وعدم انتقاصها
وكأنها بلا عقل لاتعلم شيئا ولاتعرف شئيا .......... لاتنسو ان كيدهن عظيم
ولاتنسو ا ان الاسلام عزز مكانتها ورفعها ....
ولكن هناك بعض الفئه اللي مدري وش اسميهم ينظرون لها بنظره سوداويه
واذا علينا تركنا هذه الفئه بكوكبهم ورحلنا بكوكب اخر لنرى هل يتحملون العيش من دوننا ام لا .. !
انا اطرح الموضوع لاخذ اكبر الاراء ويهمني بشده ان ارى مايراه الرجال بمشاركة النساء ..
وموضوعي ليس الا تحاور فقط واراء ..
هل انت مع يا اخي الكريم مشاركة بنتك او زوجتك او اختك بالمنتديات اولا مع التبرير ؟؟
وهل تعطيها حق التصفح العنكبوتي ؟
ووجة نظرك تهمنا اخي فلاتبخل ..
وشكرا لكم
انتظر الاارء والتصويت

هلا فيك اختي


شموخ الاصيلة

بالنسبة للسؤال الاول فانا ماعندي مانع من مشاركت احد قريباتي في المنتديات

واساسا اكثر قريباتي مشاركات بمنتديات وعادي مافيها شي


لاني واثق منهن وهذا هو الاساس لكل شي بالدنيا

ولابد اننا نشوف راحتهن وين بما يرضي الله

والمنتديات مافيها شي ان شاء الله لانهن مايدخلن الاللفائده

والسؤال الثاني

انا اعطي اهلي الحريه الكامله في تصفح النت لاني مثل ماقلت قبل كذا اثق فيهم وهذا اهم شي

والانسان على مبادئه وتربيته


سوا كان بنت او شاب

اشكرك على الموضوع

يعطيك العافيه

اخوك

قناص الشمال

تسلمين شموخه على الموضوع الحلو
انا بصراحه بعد ماجربت
النت
لا اويد ابداا دخول اي بنت للنت
الا بشرط تكون عارفه مصلحتها
وعارفه مايضرها
اما منتديات لاباس فيها بشرط اخر وهو عدم اعطاء اي رساله غير شريفه رد عليها
خصوصا الاحتكاك بالشباب الذئاب
هداهم الله البعض منهم وليس الكل

مشكور اخوي قناص على رأيك احترمه واحترم شخصك

وفعلا تفكيرك راقي والثقه لازم تكون متواجده لدوام الالفه

وصح الله لسانك وانت قدوه لمن خلفك .. تحياتي لشخصك الكريم


روض القلب هلابك اخوي

يعني وش اللي بتسويه عشان تعرف هي عرفت مصلحتها ولا لا يعني بتراقبها

اخالفك الراي مع احترامي لرايك لكن انت تولد هنا شك وبالعكس يمكن بكذا بتنحرف

اجعل لها الثقه ولاتمنعها الا اذا شف شي وكنت على يقين منه ام مجرد شكوك ماتدخل العقل

لا ..

تحياتي لك واحترم رايك

خوش موضوع
لكن انا بالنسبه لي بنتي اختي مستحيل تدخل عالم النت
ولو انا واثق
لان كثير دخلو داعيات والان مصيرهم ..!!!..
والقصه مذكوره بكل المنتديات عن قصه اكبر داعيه وناصحه
لان عقل المراءه ضعيف
وبدون زعل للحريم هنا
هذا الاكيد
ولكن الحذر واجب

أحم أحم
كح كح

شموخ الأصيلة
اشكرك يالغلا على روعة الطرح
واسمحي لي بنقله الى قسم الحوار والنقاش
ونحن بانتظار آراء أكبر قدر من التماسيح

بصراحة موضوع خطير وحلووو ..

سويت أستطلاع لأتنين من أخواني ..
طبعاً كل واحد له رئي ..

ننتظر باقي الشباب ..

* شموخ الأصيلة *
يعطيكِ العافية .. نقاش واقعي ..

مليقيف


لا بس مالك حق ابد ووش دخل الداعيات ياخوي والناصحات
واللي كويس كويس حتى لو بوسط الخربانين
واللي موضبوط لو تسرحه مع الغنم بالخلا بيظل خربان
والجوال هذا كان اول مسوي مشكله واللحين النت وبعدين السواقه وهكذا
وبعدين ابسالك بالله واسال الللي مثل تفكيرك ياخوي الجوال وش فرقه عن النت
تدري عاد ان فيه نت وتقدر اذا تبي تدخل النت من الجوال
فرفضك ماله موقع من الاعراب مع احترامي لك ياخيي مافيه داعي للرفض ابدا
الا اذا ودك تاخذ بنت اخيك وتعزلها بكوكب مابه انس ولاجن عشان تتطمن على قولك <<وش ساالفتي على الكواكب شكل صدق بشيل قشي واهاجر لكوكب ثاني
واذا حنا بنظرتك عقولنا صغيره ابشرك فيه رجال عقولهم عقول دجاج
ولاهو صحيح اللي تقول يمكن كنت بتقول انها عاطفيه وتمشي ورى عاطفتها وخانك التعبير وقلت عقولهم ضعيفه
ابشرك هالمقوله مالها موقع من الاعراب النحوي ولو عقولنا ظعيفه على قولتك ماوصفنا ((بكيدهن عظيم)))
والعقول الضعيفه وارده بين الجنسين
وتقبل تعقيبي

بالعكس اخوي مليقيف ..
صح فيه نساء ضعيفات وسهل يلعبون عليهم الذئاب البشريه ..
لكن فيه بنات شريفات وما يدخلن النت الا لطلب الفائده و نشرها ..

راح اضرب لك مثال | انا |..
تقريباً مسجله بثلاث او اربع منتديات فقط ..
لكن كل منتدى فيه لي قريب سواء اب او اخ او حتى من اولاد العمومه ..
اخواني كلهم يعرفون القابي وحتى ارقام المرور لإيميلاتي ..
لأن الحمد لله الثقه هي الأساس ..
و ابوي الله يطول بعمره ..
متواجد دائماً بكل المنتديات اللي اشارك فيها ..
ويعقب على كل مشاركاتي و مواضيعي أو على الأقل يطلع عليها ..
ما قال لي ليش تدخلين بالعكس هو يشجع على دخولي للنت ..
وكل الحريه اللي عطوني اياها الحمد لله كونت ثقتي بنفسي وان الشي اللي اسويه صح ..
بالعكس صار عندي رقابه ذاتيه مو لأنهم يطلعون على اللي اكتبه لكن لأني اكتب باسمي واسمائهم بعد ..!

أما سالفة انك خايف عليهم من عيال الحرام و سوالفهم ..
هذا اسمح لي مو عذر ..
هم خواتك وانت واثق بتربيتهم ..
فما اشوف منعك لهم من دخول النت هو الحل السليم نهائياً ..
اسمح لهم في البدايه طبعاً مع الرقابه المشدده لتعليمهم عن هالعالم ..
وشوي شوي يقدرون هم يحصنون انفسهم ..
وبالنهايه هذي حرية شخصيه لكن حبيت اوضح لك وجهة نظري كبنت على ردك ..

***

بالنسبه للموضوع الأساسي ..
أنا مع العنصر النسائي في المنتديات وبقوه ^^
وراح يتم التصويت على ذلك ..

تسلمين أختي على موضوعك الرووووعه ..

دمتِ ..

نور الدنيا مشكوره على مرورك ورايك ترى يهم بعد

هايدي مشكوره على المرور والاستطلاع وراي اخوانك يهم بعد

امل

كفيتي ووفيتي واضفتي شي نسيته

اعط الثقه ولن تندم بالعكس راح اكون واثقه من نفسي وماخون الثقه بالعكس

اما تشك تحاول تمنع هذي كلها سلبيات تنقلب عليك وعليها بالعكس بيكون فيه اشياء سلبيه ماتتمناها

ولانحتاج الا الثقه ولا اعتقد هاللحين فيه من يجبر اخته على عدم دخول النت ولهالشي اقول لاتحاول تشك فيها اوعطها الثقه

شموخ الله يعطيك العافية على الطرح الراقي

لا امانع دخول اي من قريباتي المنتديات مدام الثقة موجودة ولله الحمد

والمنتديات فيها ايجابيات وسلبيات وهذا راجع للمتصفح من شاب او شابة

احترامي لك

مشكوره شموخ صراحه ماكل اصابعك واحد
لا كل البنات واحد
وربنا يريد الي فيه خير
وامل قالت كل شي ربي يعافيها

اموله موضوع جميل لنقاش
ان عن نفسي اوايد دخول البنت النت ولكن بالشي المعقول الي ممكن منه تستفيد
والي اعتقدوا في زمنه هذا مافي بيت يخلي من النت الكبير والصغير يدخل النت
وبالنسبه للعنصر النسائي لازم ولا بد من وجده في المنتديات
والمنتديات مافيها اي شي ممكن الواحد يخاف منه
بالعكس يدي رائيه ويحاور الاشخاص حتي تعم الفائده للجميع
ومن حق المراءه ان تشارك العالم برائيها
وفي مثل يقول وراء كل امراءة رجل عظيم اعتقد لااحد يشك في ذلك
اما الاشخاص الي يمنعون الاهل اوالاخت او البنت من النت
اعتقد قلة ثقه وشك وتخلف في شخصييته مع احترامي الجميع
وكلا له رأي وانا احترم راي الاخرين
وسامحوني علي المداخله

بسم الله الرحمن الرحيم

اولا اشكرك على طرحك لقضيه دائما تحاكي المجتمع وهي مشكله كبيره
يعاني منها كثير من البشر
ولكن الذهب مهما وضعناه اي مكان لايصداء
بما معناه ان الجوهره تبقى جوهره مهما ذهبت
فالبنت التي تثق فيها لو تكون وحدها في دوله وانت في دوله
كما هو النت
دخول البنت له لفائده لاباس
عندي عادي اذا انا اثق فيها
اشكرك
شموخ الاصيله
دام نبض قلبك

عندي تعقيب فقط للمعارضين البنت تدخل النت وانه النت هو خرابها وضياعها


سؤال واحد فقط ...


قبل زمن النت والجوال الم يكن هناك نساء منحرفات ... ماهي الوسيله اذن علما بان الجوال والنت لم يكن حاضر زمانهم

وكلن يدخل مجال حسب نيته وتفكيره اذا كانت البنت سليمه تختار كل ماهو سليم با النت

والعكس


.. من ناحية دخول الاخت والبنت الحمدلله با النسبه لي اي موضوع انزله احب اتشارك فيه مع اخواني وبا العكس

حتى افتخر لامنهم شافو موضوعي احس بفرحه تغمرني

لكن لو كان العكس لو كان الاخ دائما يشك با اخته هي تحس بنقص او يمكن تنحرف فعلا من كثر الضغوط


... شموخ االصيله ...

موضوع جدا مهم اشكرك جزيل الشكر لطرحه للنقاش

تحياتي لك