شموخ والبسه السوداء

مسهم بالخير

وشلونكم بعد حييني


بصراحه الموضوع واضح من عنوانه وانا ابدخل بالزبده دغري

في بسه مجنونه فبيتنا وماتتسلط الا علي

وبصراحه مسويتلي رعب بالبيت

والمشكله ماحد يحس فيني


ويقولون انتي مخروشه


اكاليوم واناطالعه مع الدرج لقيتها بوجهي تحسبوني

انحشت من الخرعه وقفت وهي تهتاش علي


ومره ابطلع للحوش ابشم هوى وافتح الباب القاه بوجهي

واطلع مع الباب الثاني والقاه برضوا بوجهي <<بسم الله الرحمن الرحيم بغيت انهبل هذي متى امداه

الزبده وش الحل وش اسوي عشان اتخلص من هالمجنونه

ابي كل واحد يقولي طريقه واذا جاز لي الحل مره وحده اطبقه على اخواني

وهذي سالفتي <<ادري بتقولون وش هالسالفه المالهه <<الباهته

ايا بعد حيي اثريتس منخرعه كل هاليومين

هالبسه مسبوعة الرقبه

شوفي شموخ

اذا هي بسه هاتي بس كبير

واذا هو بس هاتي بسيسه مزيونه

خخخخخخخخخخخخخخخخ

ياويطي انا وحتسيي

ماعتقدانه فيه احد بهالدنيا يخاف من البسه اكثر مني
ومن شدة خوفي مره جيت مسرعه وقفلت الباب على ذيلها بدون قصد والله طلعت اصوات غريبه واستوحشت فوقي ومن ذاك اليوم ماشفتها بالحوش مره بس والله بدون قصد
بس انتي حطي اصابع اخوانك وقفلي الباب بقوه عشان مايدخلوها البيت مره ثانيه هههههههههههههههههههههههههه

عادي جيبي كلب

اقتباس المشاركة الأصلية كتبت بواسطة عشوق ايا بعد حيي اثريتس منخرعه كل هاليومين هالبسه مسبوعة الرقبه شوفي شموخ اذا هي بسه هاتي بس كبير واذا هو بس هاتي بسيسه مزيونه خخخخخخخخخخخخخخخخ ياويطي انا وحتسيي

ههههههههههههههههههههههههههههههههههههه

والله حل مهوب شين تهقى ينفع

اما بس كبيييييير وشلون اجيبه

عاد حنا بساستنا هل الرياض مايجفلن قويات عين

طيب جاري تطبيق الحل وعلى اخواني بعد هع

تسلم والله اخوي على الطله وانا الموضوع صراحه فرفشه اكثر من هو جدي من الطفش وش اسوي تسلطت على البسه

سهله حييييييييييييييييل شموخ

جيبي شمع فيران هههههههههههههههههههههه

اقتباس المشاركة الأصلية كتبت بواسطة لمار السعودي ماعتقدانه فيه احد بهالدنيا يخاف من البسه اكثر مني ومن شدة خوفي مره جيت مسرعه وقفلت الباب على ذيلها بدون قصد والله طلعت اصوات غريبه واستوحشت فوقي ومن ذاك اليوم ماشفتها بالحوش مره بس والله بدون قصد بس انتي حطي اصابع اخوانك وقفلي الباب بقوه عشان مايدخلوها البيت مره ثانيه هههههههههههههههههههههههههه

ههههه بصراحه انتي متهوره ترى ذيلها حساس حيل احمدي ربك مانطت عليك وخرشتك

ووووين اسكر على ذبنه يمه قولي غيرها هذي سويداء تخوف

اما اخوني لو اسكر على اصابعهم بينطلوني برى البيت خلينا على البسه المسبوعه

اقتباس المشاركة الأصلية كتبت بواسطة نورالدنيا عادي جيبي كلب

هلا وغلا بالنور والله نورتي المتصفح

ابشري بجيب تسلب يتفاهم معه

تسلمين ياملي على المرور

هههههه

النوفي مشرفنا الغالي اخاف احطه واطيح فيه

تسلم ياذوق على المرور

مشكلتك مشكله أحسن شي كل ماشفتيها عطيها تونه (وحده نذله )
عشان تلزق فيك وماتخليك
دمتي في حفظ الرحمن